~~~小慧貓竇~~~

BLOG已經搬了

2007-01-31T16:12:00.000+08:00

希望搬左之後，可以避開d怪人偷睇我既野!!!
以後都會係新blog寫野架啦!!!
如果你地唔知我搬去邊~
就留意下我有無留言比你地啦~
click下我個名就去到新既blog羅~
請繼續支持~

小慧既貓竇將會搬遷

2007-01-30T01:36:00.000+08:00

已經著手整緊新blog，新既blog符合到我既要求，唔使我改css改餐飽先整到我想要既野~
而且我有d taiwan既朋友都係用0個面既blog~
見佢地都用得唔錯~^^

呢2日會整好架啦~
我會另行通知你地 (email你地)
blog友既話，我會留言比你地話你地知新blog位置~
呢個blog呢2日都仲會update既~
搬左之後都唔會close~
暫時未考慮將唔將d舊posts搬埋過去~

期待新既blog既面世啦!!

安室出左新single了!

2007-01-29T12:55:00.000+08:00

繼 " Can't Sleep, Can't Eat, I'm Sick" 之後，安室推出既最新single "baby don't cry" 新歌係中板快歌! 超好聽!!! side b係前年x'mas出既white light 既新lyrics版 "nobody" !都一樣咁好聽架! 最緊要就係個SINGLE COVER真係好靚! 安室用我最最鐘意既PURPLE化眼妝呀!靚到暈左係度了!!!!THANKS shirley SENT左D靚相比我!!感謝耶!!!

真好靚羅!!!hoho!

不過我化唔到呢d眼妝~

或者有機會會係屋企試下既~

跟住就放amuro最新既live performance過你地睇下啦~非常咁cute!!!

收集蔡志忠

2007-01-29T09:31:00.000+08:00

日前買左蔡老師既老子dvd!! (睇左3集了!超正，直頭想羅返本中國思想史出黎睇!) 老子，莊子我都要呀!!! (我係道家既fans啦!!!大家一齊黎無為而治吧~~XDD) 我見0個間cd鋪只係得老，莊，孔孟，同埋孫子兵法，本來諗住羅d錢去買jordan tum下老爸開心... 但忍唔住買左老子了.... +_+

遲下會去圖書館借蔡老師既書，當然係想擁有，但都要搵到先得，因為有d都出左好耐，我自己本身都有幾本蔡老師既書，但都唔係講歷史或者哲學... 令外蔡老師都有畫佛經既野!!!不過暫時我既興趣唔大。

如果大家見到蔡老師既野，請話我知，我都會去望望!暫時打算呢2日會去圖書館搜查下!~ (今日上水既圖書館休息呀~~)

另外尋日去左西貢，等收到阿lam同gela既相，我先再post比大家睇啦~~

小氣

2007-01-27T01:45:00.000+08:00

小氣了
黑面了
坦白了
無論你會否接受我所講既野，都係心底話
講左，就唔會再衰聲衰氣衰樣
或者變左你嬲我，討厭我
但我已經變回正常了，對唔住，令你感覺咁差

我會學習放輕鬆一點...

$10店橙色大創mascara之試驗

2007-01-25T19:43:00.000+08:00

haha~~我係米好無聊呢~~呢個係用後感黎架!!!
我係用橙色package 0個支
http://www.100shop.com/bbs/showpost.asp?id=170345

小慧之試驗: (無夾睫毛)

維持時間: 早上9點至夜晚7點
搽抹次數: 2次
waterpoof: 無留意，因為平時我好少甩
curl: curl就唔curl架啦!但夠挺!!!搽到一支支!
long: 做到拉長既效果!!!good!仲好自然!無小強腳!
volumn: 一d都唔濃密!
易卸度: 用暖水就卸到!極方便!

算係咁啦wei! 比就比唔上tiffa，loreal同mj!亦都無濃密效果!
如果要volumn既話，可以先搽左base先再搽呢隻，一定可以搽到mj既效果或者更甚!! (我諗我會試下$10隻base! 好似風評好好呀!!!) 但我相信呢支mascara會比較易乾呀!!! 所以呢，唔好以買左開左就放係度幾個月!! (其實mascara開左大約3~4個月，就最好唔好再用!!如果聞到有臭蛋味，就係變壞左啦!!!) 我會比心機用晒佢羅!!hoho!

逃!!!!!

2007-01-24T17:06:00.000+08:00

我諗好多人都睇過逃，我今日唔係想講劇情，因為呢個season都播完啦~等下個season先講啦~~係尋晚我睇左pearl一個related既節目: Lockdown

Lockdown: http://www.nationalgeographic.com.hk/watch/program_details.aspx?id_program=5761

係講一d係美國犯左嚴重罪行既犯平時既生活。講真，佢地都算自由 (美國真係唔同d) 可以有自己間房，仲可以自出自入，可以自己揀做d乜 (可以做gym，可以打波，可以睇書，散步，佢地既私人空間好大，同埋唔需要做勞動性既工作，佢地只需要係0個度"生活")

不過根據d獄警所講，d犯雖然個個都好似正常咁生活，但其實個個都好古惑，佢地唔單止會製造武器 (呢d只係小兒科!!!而且佢地d武器... 真係好勁既武器!樣樣都死得人!!!) 佢地會暗地裡有個策畫人，個個人都有各自既DUTY! 有D識得讀唇，有D就記住晒獄警講過D乜野，根據D DETAILS去研究逃走方法 (美國既犯可以隨時打電話的!所以絕對可以同外界同黨聯絡!) 因為咁樣，獄警大多數會係出面先傾計講野的!!! 有D犯仲可以利用自己房裡面既"馬桶" 將武器傳去隔黎房既同黨!!

曾經有個犯 (係獨行俠)，佢為左逃走就追左個獄警!係出獄之後，佢又再犯案 *初頭佢係犯強姦的，之後就令到個女獄警同佢一齊犯案，將一個男人分左屍!) WOW!幾鬼勁呀!! 之後佢再坐監，所有女獄警都特別留意呢個人，因為佢好似識得影響人地既意志咁.... 好得人驚!!

雖然某個程度可以話美國D監獄自由DD ，但如過有D犯係監獄裡面再犯事既，係會被送去令一個隔離既房，間房係完全無聲!!! 唔多唔少係想困到個犯癲左!!!! 因為一個人被困住係一個咁既環境，佢會慢慢自己產生幻覺!!!

好多犯係監獄度因為無乜好做，大部份都練到自己好鬼大隻架!!!!完來prison break呢套戲拍既野真係好真實!!! d犯真係太叻了~~

如果我真係比人咁樣困住... 我諗我都會諗計仔逃走呀... 學阿星爺咁掘條隧道先~~ XDD

我地係...狂笑三寶!!!!

2007-01-24T11:41:00.000+08:00

尋晚同阿靚，阿lu同埋nicky去colors食飯~今次lulu好叻!只係遲左1個鐘頭15分鐘!!! thank you! 難得nicky唔介意我地成晚係度講無聊野，然後自己係度大笑~哈哈~~~為左阿劉生畫假眼0個件事，真係笑到我喊，好彩我個mascara係waterproof!

事情係咁，我同阿靚有個共同都識既同學 (但唔同時期) 叫劉生，呢位劉生讀書好叻，但上親堂都係訓覺，non-stop0個隻! 有一次，佢係上堂時，又係咁訓，0個時佢同阿靚係一齊坐，仲要坐得好前 (坐第二行)，為左唔比老師發現佢訓覺，佢就用紙畫左對眼，仲要畫埋眼睫毛，然後黐係眼鏡度.... 掩人耳目!!!! 阿靚見到之後，笑過不停，但無耐佢都收拾心情繼續上堂。過左一段時間，我諗老師終於都發現阿劉生成堂都無眨過眼!!!先知道佢訓左覺!就罰佢第二日帶假眼上堂!哈哈哈哈!! 我真係無諗過有人係咁無聊羅!!!! 但呢個咁無聊又叻既人宜家做左區議員呀!!!!! +_+

之後又係講下阿lu以前d笑野啦，通常我地都可以因為咁樣而笑好耐!之後又幫阿lu改下名!為左幫左阿lu係上海業務既發展，我地要幫佢融入當地既生活，首先要改個大陸名先!!!!就叫小翁同埋傑哥!記住，傑哥係要讀作 "jie ge"!!!!

阿lu會留係hk留到過埋新年，希望我地會多d時間再見下面，出去玩啦!!!飲野啦!lu!好耐無同你飲過野!!!!我會小心take care你!唔會比你徙晒d煙架!!!!@v@

食完飯，我同阿靚又忍唔住去行$10店了，我地係米病態，我發覺我同阿靚d行為好似... 最後都買左d野羅，買左玩具比阿寶，買左支噴頭野呀咁... 多謝阿靚送我mascara，nail polish同埋concealer! it really works! 上面張相，你地click大d睇呀~我係用緊$10 mascara架!!!ok挺!!!!同埋好分明，全部都一支支!好dolly eyes!

AVP!!!! @v@

2007-01-22T10:47:00.000+08:00

去行玩具店!!!見到AVP!!!OMG!!!!個FIGURE終於都出黎啦!!! (點解唔係同部戲一齊出既呢？)AVP AVP AVP AVP AVP!YEAHYEAH!!!!! 家下預訂緊啦.... 今次個異型無咁靚呀 ... 仲覺得整得有D劣添... 唔夠仔細呀!!! 反而個PREDATOR整得好靚呀!!!!超型呀!!!! 仲要隻手仔羅住個異型頭!!! (雖然呢一幕我唔係咁鐘意~) 我停左係門口睇到眼唔"斬" (位置係兆萬既BASEMENT) 之後走左入去間野睇!!! WOW!第3代異型要$1XXX呀!!!! +_+ 咁呢套野唔使問價都知一定過2K啦!!!! 以我既情況，都係買Q版好了 (好耐之前係葵芳睇，要$500一對)

過幾間，見到超大異型呀!!!真係超大，有近3呎咁高!!!!!靚到爆呀!!!!呢隻係第二代吧!!!!個頭半透明!!!!真係型到.... 我呆左，我無見過咁大隻架!!! (4，5年前見過隻都幾大，仲流口水出黎架!要3K...) 我真係忍唔住要影佢落黎呀!!!!!! 不過呢隻野要$12000 +_+ 使唔使咁貴呀... 癲架咩？如果我有錢我真係會買左佢返黎架.... 放係間房!! 你話幾型! 但我諗如果呢個MODEL係異型阿媽會好D羅，因為佢D骨骼仔細好多，同埋個頭型會靚D!! 如果真係整異型阿媽應該要再貴D吧.....

ALIEN: HI EVERYBODY~ yeah YEAH yeah!!!! I AM SO HANDSOME~HAHAHA~~ *O*

ALIEN: YO YO YO !CHECK IT OUT MAN!!

我突登影佢既 "口中口" 架!!!! 好正呀~~~ >3< 其實個FIGURE應該放埋D異型蛋同埋異型BB先係!咁先一家團圓!!!

我愛$10店!

2007-01-19T17:18:00.000+08:00

尋日睇到個FORUM，其中一個TOPIC係講$10店裡面既化狀品! 本著8卦既性格，我就CLICK入去睇睇!! 已經講左34PAGES，D人都仲係度傾緊!裡面講MASCARA呀EYE SHADOW!! 初頭我都係度諗 "$10喎!!!!用唔用得既先？" 但睇落去，真係好多人都試過，又無事喎!!! 仲要話個效果好好!!! 而且D台灣妹日本妹都係咁讚讚讚!!! 攪到我真係好想去$10店呀!!! +_+ 最緊係，D MASCARA只係$10，但又好好效果!! (我連D日本妹既BLOG都睇埋!!!) 無法，今朝捉左貓媽陪我行一趟，我地既目的地係粉嶺既$10店! 去到我已經急不及待羅定個basket諗住掃野!!! 點知無晒MASCARA... 連我睇中左既EYE SHADOW都無貨... 係絕望之際，就唯有買另外一D唔差既野，我買左2盒EYE SHADOW，2個透明袋仔，一包指甲貼紙，一包面油紙，一盒花旗參茶，一包阿寶零食，一個掃塵器，一支HAIR GEL (比貓媽)~就係咁啦! 我同貓媽都覺得D野實在係太抵，我地一定會再黎睇過! 我亦都會再去搵我想要既$10 MASCARA!!! 不過FOUNDATION0個D我真係唔敢用啦!!! HOHO~

我頭先油既NAIL POLISH!~仲加左花花!!!HOHO!首先用DIOR既BABY PINK搽做BASE，之後用MISSHA既星閃閃打斜油角位，再貼上花花，最後加多層TOP COAT~完成!! 要華麗感既，不妨用金閃既指甲油搽角位~

呢2盒EYE SHADOW D色OK得喎!我試過上眼，好出呀D色!!! 平平地，個款又唔差~~可以滿足到我成日想買EYE SHADOW既欲望，呢期我都唔使買大牌子既野羅~HOHOHO~

發左一個大惡夢

2007-01-18T21:34:00.000+08:00

尋日朝早發左個好大既惡夢，真係好大，到左家下，我仲係記得....

個夢係講我係唔知邊度，突然地震，d人好驚咁四圍走黎走去，d樓又係咁lum完一棟又一棟!!!成個城市好似不停咁被人shake!!!!!!! 過左陣地震停左，我就係咁走係咁走，走去夢裡面我既屋企 *都應該係一個屋村咁上下既地方!* 返到入去，d野已經亂晒lum晒! 我四圍咁睇下，行到去toilet時，見到有一大袋野，原來係死屍... 我好驚，即刻開門嗌救命，之後我見到個警察，我就叫佢幫手，佢叫左d人入黎諗住抬走條死屍，我行去睇時，佢地就無啦啦手軟放左手，成"袋"野跌左落我對腳度... +_+ 我就咁呆左....

個夢就係大約咁羅，咁講可能唔係好驚，但係0係夢裡面都ok驚... 你地都知我唔算係細膽既人啦... 醒左之後，都仲係好驚...

病了..

2007-01-16T13:24:00.000+08:00

其實前日已經開始起病~同騮食完dinner之後已經無力咁返屋企，乖乖咁食藥 *之前淨落未食晒0個d~* 。尋日訓醒，阿哥話要過新屋油油，但得佢自己一個喎... 所以我就話同佢一齊去油，其實支力到傻左...

我真係好耐無油過油啦，雖然哥哥屋企無我呢度咁大~但都足以油死我。我哥負責油高既位置，我就油低既位置...

我就好似幫自己上粉咁油，油得幾順手同仔細架!!!油好一幅後，2兄妹望下個樣先! 哥哥話我油得仲好過佢，我都咁認為喎!!hoho! 其實係我比心機油，所以就會油得靚，我都希望自己阿哥住得舒服開心!

邊油邊聽radio邊傾計，我好珍惜尋日同哥哥一齊既時間，我仲係度幫佢諗下d傢私點放!佢都覺得我既設計唔錯!由天光油到天黑... 最後我用個細掃將d細細既裂縫油埋，就大功告成!

雖然一整日同哥哥傾埋d無聊野... 但我都有話佢知我對將來既企畫係點，希望佢都會對我有信心。上圖就係我疲憊既身驅啦!哈哈!!!係大圍企返上水....

今日媽咪依然係黑面... 我幫哥哥講左d好話，佢唔係好聽得入耳.... 而我呢... 已經病到死死下，條腰又痛....

真的要搬嗎？

2007-01-14T22:50:00.000+08:00

無錯~左面0個個包包確實係我!點解個咀笑到變左心型？因為細個時我好唔習慣人地搭我膊頭，所以當我阿哥(右面0個個)搭住我膊頭時，我真係好想笑出黎.... 但又唔可以笑喎，米忍到個咀咁羅!亦都即係今時今日既"金咀"!!

今朝媽咪同我講，哥哥 (唔好笑我啦，我到今時今日都仲係叫 "哥哥，哥哥"，好少叫大佬)今個月就會搬走，同女朋友搬出去住。其實我一早知佢今年內會搬，但無諗過咁快，所以真係好突然.... 亦都有d唔開心....

唔知你地多唔多兄弟姊妹呢？我就只係得一個阿哥。所以好多野都會依賴佢... 有哥哥係度，會覺得安全d，會覺得樣樣野都穩震d。因為有乜事，我都可以大大聲叫 "哥哥，快d黎救命!" 小慧睇唔出係咁依賴呢？!我係出面確實係好獨立，係屋企就好鵪鶉了....

有好多野我都會話比我阿哥知，同我阿哥傾，我知佢唔會干涉我既野，但會比意見。由細到大哥哥都比我叻，亦都因為阿哥好似乜野都識，所以我都pretend其他男仔最少要識整屋企既電器!呢樣野真係好緊要! 我阿哥識整屋企大部份既電器! 所以有乜野壞左時，我都大安旨意，唔會好驚!

儘管細個時成日鬥氣，但內心知哥哥最錫都係我，因為佢都只得我一個妹，佢都無得揀! 有乜野都會2個人分! 最記得係夜晚要聽白姐姐或者軟硬既電台節目時，就會用條好長既耳筒吊落去下層比我聽，咁就可以一齊聽 (因為我地得一部walkman!而我地又係訓上下格床!) 0個種感覺真係好warm!

我細個時有次仲白白痴痴咁用硬咭紙整左個信箱，之後逼我阿哥要寫信比我 (個信箱就吊左係我床頭!) 我阿哥真係會寫比我架!仲會畫好多白痴漫畫比我 (好可惜已經唔見晒lu....每次我阿哥都會畫我做主角的!!!) 佢仲會整d尋寶game我玩!! --> 寫好多紙仔，上面有提示，跟住d提示去尋寶!! (呢招我抄過黎用，阿騮都抄過!!) 0個時我地日日都會諗好多白痴遊戲玩!!!!!!最勁係我阿哥用紙整左個一拉就會開既摺門!!!! 又試過幫我用a4紙砌左個市政局既垃圾筒 (以前橙色0個d呢~) 我阿哥d心思同手功真係一流!!!

諗下諗下，有哥哥陪我既日子真係好開心!!唔識功課可以問哥哥 (但只限數理)，電腦壞左可以叫哥哥整，以前要食乜野哥哥都會煮比我食! (我成日無啦啦話要食炸帶子，炸雞脾炒飯，春卷等等，佢都會煮的!!!!!) 到宜家我哥一返黎，我就係咁開口不停咁同佢傾計，講自己今日做過d乜，見過d乜，食過d乜! 有新game就要一齊玩，一齊share (會通宵咁一齊打機!)

講到家下，大家都應該知，我有幾唔想阿哥搬走，但其實佢搬走都係遲早既事.... 只係突然間話走就走，我好唔想.... +_+ 我知媽咪都有d唔高興... 但我哥決定左既野，就會即刻做，唔會改.... 確實走既日子我都未知.... 我只係知佢聽日會留係屋企執野.... 以後就無乜機會同哥哥放假一齊睇鬼片... 一齊怒食pizza hut，一齊跳求風舞，一齊打機食宵夜了....

老實講，我同哥哥越大個，感情就越好，越黎越close，宜家佢要去第二個level... 做妹既就希望佢以後順順利利... 多d返黎屋企探下兩老同埋阿寶吧... 雖然唔捨得，但我都唔可以咁自私要哥哥為我而留低...

阿寶愛上了.....

2007-01-13T12:20:00.000+08:00

阿寶呢排愛上左....我張鴨鴨毛巾被，只要佢見都張被係邊度，就會即刻成隻貓訓落去，仲要係好快就訓著.... 見到佢咁可愛個樣，我都會忍唔住摸佢幾野，錫佢幾啖!有時佢仲會攤晒成隻貓身係度曬太陽添!!!勁好笑架!不過.... 我想講既係.... 張被其實係我既羅..... 家下黐晒佢d貓毛，我仲襟唔襟好呢.....

1年1見

2007-01-13T11:55:00.000+08:00

尋晚同阿新同妹妹食飯~大懵既我唔記得影相!只好放住自己個樣上黎先啦!哈哈!!!同阿新真係1年1見!!!!慶幸佢每似係london返黎都會自動搵我呢個老朋友!不知不覺都識左15年!我地2個就係出名既 "男女班長" 啦!哈哈哈哈!! (小慧小學係連續做左6年班長的....但都係被d同學逼出黎....)

難得今次可以同阿新既honey妹妹食飯啦 (msn同傾電話就試得多，見面都係第一次) 又係同以前一樣，我地傾左好多細個發生既無聊事! 不過好遺憾大頭b尋晚唔得閒黎! (大頭b係同我由細玩到大既朋友仔，冤家鬥氣0個隻!) 細個時，我，阿新，大頭b都好得d老師同校長既歡心，係學校好出名，但亦因為咁樣我地成日被人逼我地參加好多活動同比賽... 我就多數被人迫出去參加d獨誦同集誦 (中，英文都要)，佢2個就成日要出去鬥成績 (因為佢地2個係全校最好成績) 然後就我同阿新被人推出黎做班長，3個都要做風紀呀，話劇呀，拍鏗鏘集呀，明明返下午班，但就要一早返去開會... (講開做風紀，其實我覺得同罰我企無分別，成個小息都係企，又無得食野喎!!! +_+)

fat yau問過我，點解可以同d小學同學keep in touch (但fat yau 其實係我幼稚園同學喎...) 其實真係講個心既，如果只係得我搵佢地，佢地唔搵我，都唔會成事，大家都珍惜呢段友誼就會做得到!我已經諗好下次羅d小學相比妹妹睇~實笑死佢羅!!!!

bilibala咁邊食邊傾計~阿新15號就走啦.... 到時又只可以email同msn了~ 希望阿新真係可以快d返黎hk發展，咁樣妹妹就會日日都咁開心啦!!!

大眼妹日~

2007-01-13T11:13:00.000+08:00

大前日同左阿wing去又一城dinner~都幾個月無見啦~但我地平時都keep住傾電話既~~出親黎都係傾0個d野啦~哈哈!今次仲要係正經野喎~好戥阿wing開心!!!! 識佢時都知佢幸福架啦!!! 咁多年佢既幸福指數都係直線上升!呢d就真係叫做 "註定既一對"!! 同阿wing傾計最大既重點就係我地都傾得好舒服!! 可能係以前讀u時培養到既默契! 期待你地既大日子!!!

blog tag︰廿九句情話

2007-01-10T14:45:00.000+08:00

請大家都來支持哦~~~: http://29s.blogspot.com/2007/01/2007.html

被騮tag中~hoho~ 大家如果寫左~記住話我聽啦~^^

（提示：綠色文字代表作者需填寫的資料及句子）

名字：小慧
對象：給我所有心肝寶貝
電郵：siuwaiji@gmail.com

1. 因為在冰凍的天氣下，有得飲罐頭湯，所以美好。

2. 因為一早起身可以用無塞既鼻孔呼吸，所以美好。

3. 因為見到細細粒既幼稚園生快樂地返學，所以美好。

4. 因為d麵包係熱辣辣，所以美好。

5. 因為可以同愛人攬住一齊訓，所以美好。

6. 因為阿寶(我的愛貓)舔了我手一下，所以美好。

7. 因為夢見leon買牛腩米比我食，所以美好。

8. 因為她可以倚在他身旁，所以美好。

9. 因為比人讚可愛，所以美好。

10. 因為阿媽陪我行街，所以美好。

11. 因為我有一個家，所以美好。

12. 因為可以出席朋友的聚會，所以美好。

13. 因為收到一個個關心既sms，所以美好。

14. 因為阿哥仲會同我一齊打機，所以美好。

15. 因為有gin飲，所以美好。

16. 因為婆婆一切安好，所以美好。

17. 因為我有好多qoo同貓既擺設，所以美好。

18. 因為還有機會進步和努力，所以美好。

19. 因為爸爸會煮我鐘意食既肥豬膏，所以美好。

20. 因為小學既同學=我現在既好朋友，所以美好。

21. 因為我不是孤獨，所以美好。

22. 因為樓下d樹無比人破壞，所以美好。

23. 因為仲可以望到星星，所以美好。

24. 因為老公公拖住老婆婆逛街，所以美好。

25. 因為巴士司機同我講左聲"早晨"，所以美好。

26. 因為健康開始返黎，所以美好。

27. 因為偷偷錫左佢一下，所以美好。

28. 因為我約左佢今個week唱k，所以美好。

29. 因為有你地，所以美好。

from 閃閃: 我跟廿九几的朋友，將在二月推出結集《所以美好》，讓我們一同發掘美好的理由，詳情請點擊上圖，往廿九几的網站去看看。有興趣的朋友快點投稿吧，就算不喜歡投稿，也可以在你的blog裡寫下廿九句情話，或跟我們一起來玩blog tag，自己先寫廿九句情話，再點選三個網站，讓他們也寫一遍。來，給你所愛的人，好好的表白

生日大晒!!

2007-01-10T08:54:00.000+08:00

今個月其實好多人生日呀~但同我最CLOSE既有以下幾位!! (仲有27號既阿BI，就等27號先寫佢啦!!) 今日係阿PAT生日呀!好幾個月無見!無法，之前我又要飛，佢教書又忙到飛起!但我地約好左，今個WEEK會見到架啦!到時再影多D相!可能大家唔知阿PAT係我既好朋友!真係好CLOSE0個隻!!

尋日就係貓媽生日啦!我地之前預先慶祝左羅~所以尋日只係同左佢去飲茶行街~~~貓媽幾多歲？你估下羅~~XDDDD

前日8號就係阿JOE生日~以往都會幫佢攪生日既，今年就無，無他既，佢掛住拍拖，都無搵過我，佢就係咁架啦，有異性無人性~我呢個表姐功成身退LU~但求佢今年身體健康~食少D煙~

6號就係SOSO既生日~我地都好耐無見~因為我之前MISSED左好多LINGANIAN既活動呀!但我地約好左月尾會BBQ~到時真係要影下相~~對上一次同SOSO傾電話，就係2個月前佢要睇牙醫，搵我幫手時~

5號就係GELA生日，其實想搵張靚D~但又見呢張GELA笑得幾靚~就呢張啦~GELA 麻~我地都會MSN傾計~以前可以約埋係AIRPORT 食TEA羅~有時我會靜靜雞走去佢COUNTER度嚇佢一跳~~HOHO~又係BBQ時見啦~~~^^ 希望你一世都咁靚!!

因為凍，先感到溫暖!!!

2007-01-08T21:31:00.000+08:00

今日下午心血來潮，想自己整個飯食!熟我既朋友都知我煮野食既能力有幾大架啦!XDD 今日我仲要係整CURRY! 其實一D都唔難! 我羅左尋日淨左0個碗冷飯用蛋炒底先! 之後就煲小半煲滾水，再將 "日清美味寶 - 咖哩牛肉味" 成袋羅去煲5 MINS! 然後再淋落D炒飯度!哈哈哈!!!! 攪掂食得! 就係咁簡單羅!!! 都好好味架喎!!! 個樣都唔差呀!!!! 天氣凍時，有碗熱辣辣既咖哩飯食，真係太溫暖太幸福啦!!

今日真係感到凍啦!!!!諗起以前小學我係返下午班既，所以唔使凍一凍爬起身返學!!! 之但係隔個禮拜六就黎一次長週... 0個日就慘啦!! 真係羅鑊鏟都鏟唔起呀!!!! 6點幾要起身.. 你知啦，上水比市區凍幾度架麻.. 我記得每年冬天都係得6，7度咋!!! 呢個時候，貓爸就會出絕招，打電話返學校話我病左!!! HOHO!因為佢唔捨得整醒我，所以就索性請假羅!!! 0個時請病假唔使病假紙~ 寫返手冊就OK架啦! 勁方便! 訓醒仲可以落街飲個茶~ 正呀!!!

今晚又打邊邊啦~~好熱氣~那那聲整杯HONEY飲~今晚要飲2杯先得~~見到阿寶訓得咁開心~我就諗，樓下D貓貓真係慘，凍成咁樣，雖然有D阿嬸好好人餵佢地，但佢地訓街一定好鬼凍羅... 阿寶就淨係識得係被上面碌黎碌去... 身在福中不知福....

我新既電話繩!

2007-01-07T21:57:00.000+08:00

係一隻金色既孔雀~

但我覺得係一隻"金"扮緊孔雀~hoho~

係chibi貓 (之前印印0個隻貓原來叫chibi!)既系列呀!!!

真係好得意~

仲要係我鐘意既金色!

我已經掛左係電話~
希望會為我帶黎好運啦!^^

呀~天氣真係凍左好多~~

仲要好鬼乾燥呀!!!!

記住飲多d水同埋honey!

沖完涼要搽baby oil呀!! (我自己就成日唔記得，到記得時已經係周身痕晒lu~)

不過我自己好鐘意凍既感覺，所以我好鐘意韓國0個d天氣~

見到新聞影住d老人家去遊冬泳!!真係勁!!!!!!!

聽講冬天沖凍水涼會暖d，身體好d架...

不過我暫時未有呢個勇氣.... +_+ hoho~

阿寶既貓貓全盒!!!

2007-01-06T10:07:00.000+08:00

尋日收到偉嘉寄黎既貓貓全盒~~ (只係card啦~)
入面有個好得意既揮春!!!
請睇右圖 "年年有魚" 哈哈哈哈!
新年我一定會放出黎羅~咁過癮!!!

個全盒仲介紹左就黎舉行既 "第二屆香港寵物節"

日期: 2007年1月12日 12:00~20:00
2007年1月13~14日 11:00~20:00

地點: 九龍灣國際展貿中心HALL B 及展覽廳

成人每位: $25

有興趣到時去下啦，我都可能會去哦~~

呢張係阿寶今年既會員card!!!係咪好型呢？

呢個就係全盒既正面羅!!^o^

母女無聊傑作

2007-01-04T11:51:00.000+08:00

**加左d新歌係music player，請double click tv仔下10個個music icon~thanks!**

尋日臨食飯前，2母女因為太無聊，就羅左好幾年前朋友送既模型仔，諗住砌下啦!!!

初頭都興致勃勃架，好細心咁羅晒d材料出黎，然後分工開始砌，我地要砌既係 "櫻花亭"，入面要整sushi啦，魚生啦，檯啦，門啦，cushion啦，井啦，木桶啦，遮啦，酒瓶呀，sauce呀咁羅，好鬼多野。2母女都對自己太有信心，又鐘意認叻，諗住食飯前一定砌得好 (即大約有1個半小時) 點知... 砌左15分鐘後...

媽: (砌緊sushi) x那星，咁鬼難黐既!!!乜春膠水黎架...
慧: 比d心機啦，砌左0個一陣之麻...
媽: (黑面)

又過左幾分鐘...

慧: (砌極都砌唔到個sushi盒，又唔對位!!) 妖!!!砌唔到呀!!!!好煩呀!!!!!d料咁流架!!!
媽: (奸笑) 比d耐性啦，呢個模型係要訓練你耐性!!
慧: 超!!! (黑面)

如是者又過左15分鐘度...

媽: (砌緊把遮) x! 乜黎架!點整架？ai，我地唔好要把遮吧啦，唔覺眼既...
慧: .... 咁不如張d sushi放係張檯米算羅，我都唔想砌個盤!
媽: 唔得!你0個個要砌!
慧: (黑面) 唔公平.... 難0個d就我砌...

又過左1x分鐘，貓爸都放工返黎了...

慧: 我唔想整0個個cushion呀... 又要用針縫，好鬼煩!
媽: 咁蠢架你!!羅釘書機釘米得羅!你阿哥以前都係咁釘個校章上恤衫之麻!
慧: 好野!!!!唔使縫!!!!
(最後整左上面紅色0個個核突cushion... 睇見都唔開胃)

又過左20分鐘度，貓爸已經自動自覺去煮飯，因為貓媽到左忘我境界，如果貓爸唔煮就會餓死全家!!!

媽: 個井同個木桶唔整都無所謂啦, 又唔係好靚 (分明就係因為難整而唔整)
慧: (已經成手係膠水，發緊脾四中) 妖!!!成手黐笠笠呀!!!!!癲架!!!咁難整!!!
媽: 呢個模型都唔好玩既，又唔靚 (玩之前明明話好靚的...)
慧: 我投降了!! 你砌埋去啦，我洗手!
媽: (即羅個膠袋出黎) 好啦，我地丟左佢啦，唔好眼冤!! --> 完全唔聽我講野...

就係臨丟之前我就影左個model既樣你地睇!~哈哈~~~整到2母女都發晒脾四~但見到舊野，我地都忍唔住笑羅~hoho~好彩無比阿哥見到，實鬧死，因為我阿哥好叻砌呢d野架，佢實話我地蠢的!!!!

不過唔好以為咁就完結，因為我仲有一盒未砌架...唔知幾時貓媽會發神勁話要砌了~~~

滿載祝福既禮物!

2007-01-02T11:31:00.000+08:00

近來收到一D令我感到幸福既禮物...

嬲送我既小金SOAP! 我點會捨得用自己黎沖涼呢!!哈哈!!!但我知你每次見到同"小金"差唔多樣既野，你第一個反應就係"金" 然後就會諗起我，所以你送比我每隻"金" 都係話我知，你無時無刻都掛住我羅!!! 好SWEET!

叻同TALIE送比我既PETS@WORK既貓貓手CUSHION，同貓貓筆!筆我唔捨得用，但CUSHION用緊啦!好舒服，你地知我隻手傷左，所以就咁有心思送呢樣野比我呢!!感動呢!!! 希望快D快D，我地3個可以一齊出去勁食啦!我唔會輸比你地架!!!!

HODULL送我既貓貓月曆!! 哈哈!!! 上年個貓貓日曆好靚靚，今年既貓貓月曆一樣咁靚靚喎!!!!好野，終於都唔使日日都"MIT"走D貓貓啦!!HEHE! 不過諗我都會買多個日曆，希望會比我搵到個特別D既!!! 多謝你DULL，D貓貓真係好可愛!!!

LAST BUT NOT LEAST, 多謝狼送我既V.W. 銀包，初初睇時我真係覺得唔靚，但睇睇下又覺得好靚咁喎... 我同個銀包培養左感情哦!哈哈!!仲有1SET我最愛既日本貓貓 (我真係唔知佢個名，我問過D日本同事，都無人答到我....) 印章!!!超得意!!!!!個樣仲要好衰!!!HOHOHO!!!

感謝大家對我既愛哦!!今年我一定會加倍努力的!!!!

2007年!新年快樂!!!

2007-01-01T22:15:00.000+08:00

happy new year all my fds!!!!!
新既一年新開始!
係度祝大家今年一切順利，身體健康!!!
小慧都係度應承大家，今年我一定會保重身體!!!
變返做健康小子架啦!!!
今年我會繼續努力!!!! keep movin'!!!!

後記: 尋晚睇叱吒!!WOW!!!4小強0個PART超正呀!! (軒仔，宛之，繼聰同方大同) 阿繼聰哥對住阿KAY唱 "K型" 呀!!!!LUM爆左呀!!!!!!!阿KAY係咁笑呀!甜到爆羅!!!! 到軒仔羅獎時，宛之又過去攬攬!!! 都方大同唱時，阿FIONA係台下又係咁揮手喎!使唔使咁SWEET先~~ XDDDD

不拖不欠!

2006-12-28T19:36:00.000+08:00

尋日阿叻陪左我返去還野~thank you晒呀~~~有妳陪我~去邊度都開心啦~^^

我前一晚已經執好晒要還既野，其實都係0個d啦~uniform呀~suitcase呀~handbag呀0個d~仲有d notes呀咁~ 剛剛好塞滿晒2個0急! 我要同cx不拖不欠~~hoho~

返到去~左又還d，右又還d，去埋d我好似未去過既department還野!!幾攪笑!!!一直都唔知既department，到我第一次去時，亦都係最後一次去羅! 每個department收我d野時都係求其咁check，真係還少一樣半樣都唔多覺!!! 最好都係uniform既tony!!佢比我keep住個name badge同埋隻wing! 臨走時仲同我講左句恭喜!!! 多謝晒!!!!

因為要等account0個面計埋d flying hours，所以趁有時間就同阿叻去左airport既super sandwich食野~~傾左好多好多野!!!希望阿叻新既一年有新既目標呀!!!!我同talie都會支持你架!!!!

唔~還晒野之後 *咁0岩仲撞到我既baby fanny!!!!* ，我好記住talie同我講，"一定唔好望返轉頭"呀!!!哈哈!!好似監獄風雲咁!!!我真係無留戀喎!!!唔係d乜野大件事呀!!!但就攪到阿叻都好似有resign既感覺!!! 一整日我都好relax~ 其實我仲好記得我第一次黎cx city既感覺，返training時既情況，同埋第一次飛既經驗，樣樣野我都好記得，我會放係心裡面! 所有野都係好好既lessons! 好好既經歷呀!到第時，如果我幸運，有小朋友時，我會話比佢地知我返呢份工既點點滴滴!!! 確實係遇到好多好特別既人呀!!!

再一次多謝我cx裡面所有既好朋友!!!! 多謝你地陪我飛過，提點過我，同我四圍去玩，亦都分享我既喜與悲!!! 好多野真係同你地講先會有同感，先會明白我，你地比左好多支持我!!! 我希望我地永遠都係好朋友!! i love you all!

x'mas 食食食!!!

2006-12-26T00:12:00.000+08:00

尋晚係小肥羊食完，再踩落滿記食甜品，之後打麻雀時又不停食蕃薯片呀，童星點心片呀!!!!食食食!!!再飲呢個有氣既apple wine! wowowo!!!打牌又唔見我有糊食喎!!!!打完個麻雀，仲係要臨訓前食多個早餐A.... IS IT TOO MUCH FOR ME? HAHA!!!不過食既野唔係話停就可以停到架....

今日下午醒左，就去左食飲食SUSHI!雖然唔係話好好味!!但2個人食左18碟!!!算唔錯!!!諗起都有D餓.....

返到屋企，又再開始預備呢個大食會啦!!!看左圖!!全部都係我阿媽既傑作呀!!!!!WOW!D雞奕好食到爆!!!! 那那那，我有份煮D腸仔架!!!!!!唔....都係0個句，家下又有D餓既感覺啦，唔得啦，我要訓覺，唔係我一定會再食野架....

來迎接x'mas羅~~

2006-12-23T15:36:00.000+08:00

聽日就x'mas啦~你地準備左d乜野節目呀？我就乜都無準備啦~可能會出去打邊邊啦~或者唱下歌咁~~今年都好開心收到present喎!!!多謝貓媽既一大盒糖!! 嬲既阿金soap一大舊!! 阿叻同talie既貓貓禮盒!我好鐘意裡面既野呀!^^ hodull都有present話要比我，但未收前都多謝佢先!

講起禮物，其實小慧細個時都會掛隻大大既襪係床邊，希望聖誕老人會派禮物比我，又試過打電話比聖誕老人 (呢，電話公司呃小朋友0個d呢~要比錢打去0個d呀!!!!) 我都ok有童真的~~~

其實我都好想整棵x'mas tree係屋企架!!!夜晚開晒d燈燈，閃下閃下咁，真係好靚羅!!!但諗起阿寶姐既攻擊力... 棵樹一定唔會捱到一晚就會訓低... 今年貓媽都or左幾次話想買架啦，但都比我banned左了... 一唔係我地張d裝飾野掛係阿寶身上，咁米得羅!!hohoho!!!!

希望你地有個開心既平安夜同x'mas!!!merry christmas!!!!

**為左大家，我upload左d有關x'mas既歌呀!!!!請你地click右面個tv既music icon (double click please!)應昌佑 & janice 24 (x'mas version)，janice & jill - the christmas tune，安室奈美惠 - white light，容祖兒 - chihuahua, 陳奕迅 - lonely christmas，許志安 - 今年沒聖誕， wham - last christmas **

好久不見啦!!!!!

2006-12-21T21:00:00.000+08:00

好耐好耐好耐無寫BLOG~大家有無掛住我呢？希望仲會有人黎睇我個BLOG啦，我回歸啦，唔好唔要我呀，唔好唔留言比我呀，我會好傷心架!!!!!

呢2個WEEKS都忙緊D私人野，再加上枕住都係要睇醫生，所以都好唔得閒，今日終於可以坐定定寫BLOG啦!!!之後都會繼續努力咁UPDATE，未必會DAY DAY有新野，但唔會唔UPDATE既，放心啦，寫左都2年幾，點會唔要呢度呢~~HOHO~

唔~其實都有個消息要話比大家知，就係我今個月就係最後一個月係CX啦!!!係米好突然呢？但其實我都自己都做到好無心機，再加上身體越黎越差，或者呢件唔係壞事呀~我亦都的起心肝搵野做啦!!!出左BONUS個人都積極左，係時候向新既目標進發啦!!!

其實好開心呢2年係CX都識到好多好朋友，有D已經變左我既姊姊淘 : 阿BON，阿BI，JOVI，阿叻，FANNY，EUGENIA同埋遠在LONDON既EVA! 多謝你地一直都咁錫我，唔可以同你地繼續拍檔，但我地仲可以時時出黎玩，時時見面架!!!!

呢2年我亦都去左好多想去既地方，見識過好多唔同既人，自己既耐性大左，處事成熟左，識得為人切想，亦學識點樣同人溝通。雖然對公司既種種POLICY我有唔同既見解，但無何否認CX 真係比左好多得著我。

新既一年新既開始，我今日剪左我留左幾年既長髮啦，個頭有d似kary有d似袁彩雲呀!但貓爸話我似大陸妹羅...其實個頭係阿靚既主意，亦都係我阿媽既心水，我自己都幾滿意架!!!覺得成個頭輕晒呀!!^_^

好啦，我要開始send email比你地啦!!!聽日再傾過啦!!!!! i miss u all! xxx

學整手機既主題呀!!!

2006-12-08T15:51:00.000+08:00

呢排有樣野我成日做，就係係度整手機既主題喇!!!
我用既型號係SE W800I，知啦知啦，個STYLE OUT左啦麻
但無錢換機，又無乜新機吸引到我，所以我會繼續用落去羅，聽歌D音質又唔錯!!!!

講返整主題，我當然要搵下阿寶同小虎做主角先得啦，右圖係DESKTOP既WALLPAPER羅!!~
家下一開機就見到阿寶個衰相喇~哈哈哈~~
郁下郁下咁~好得意架~~
不過要花時間剪裁下呀，RESIZE下，要揀到適合既相都唔易架!!
除左DESKTOP之外，裡面既CONTENT都要整過唔同既SIZE架~

平時係D FORUM度DOWNLOAD人地整既THEME(主題)真係方便
真係無諗過整起上黎咁有難度呀....
我用黎整THEME既PROGRAM DEFAULT左 D BAR係要用顏色，
但我好想用透明..
初頭我諗要用PHOTOSHOP整先得喎
之後我實在太懶，所以我用我手頭上有既THEME
用人地整好左既透明 BAR羅!哈哈哈哈!
好彩成功左!!家下有自家既THEME用，好醒神呀!!

ps: 加左3首彭海桐既舊歌，超好聽，快d去聽啦!!!

執呀執呀執晒d舊野走~

2006-12-07T10:09:00.000+08:00

早2日係度執下野，唔係執實質既野，而係電腦裡面既野，其實我d野都算organize架... 但執下執下，發然自己都download左好多唔知乜野既野，直頭唔記得自己有download過... 又要delete，又要uninstall佢羅，太多無謂野會整到部腦好慢架麻!!! 然後將自己要既野再仔細咁分門別類!!呢度真係花左唔少時間.... 淨係explore個favourites我都整左好耐，因為以前bookmark落既網頁，好多都已經去唔到... wow!攪幾攪真係攪左成日... 再將d mp3分下類呀，放返好，以後搵歌都方便好多啦!!!!! 我自己一直分得最好就係d相羅，我一直都有分類，仲會記埋日期，咁就唔會亂啦!!!哈哈哈哈!!!

執完部腦，真係好似快返少少喎~ 以前覺得好唔捨得delete既野，宜家delete左都覺得無乜野~ 有d野過去左就唔好記住，咁個人會少左好多包袱，行都行快d~~

抱擁眼前人....

2006-12-05T18:57:00.000+08:00

今日一早起身，同貓媽貓爸飲完茶後，我同貓媽就去探婆婆了。同我熟既朋友都知我婆婆幾年前中左風，所以佢行動都好唔方便，初初病癒時係同細舅父住，但之後佢地要結婚生仔，無咁多時間照顧婆婆，所以就將婆婆轉左去療養院住。

每次見到婆婆，我都好心痛... 因為唔係好行得，所以對腳耐唔時就會腫晒，痛到根本就訓唔到... 老人家又比較易病.... 但係一發燒就可以好大件事... 貓媽每個禮拜都會去睇婆婆，幫佢massage下... 婆婆雖然講野唔清楚，但有時都會爆下粗發下脾四架!!哈哈!仲會記得邊個有黎探佢邊個無探!又會係度批評邊個靚左，邊個樣衰左!!好攪笑!!!

今日我地去睇婆婆，佢訓緊覺覺，但一聽到我地黎就醒啦!! 即刻向我投訴張被唔夠暖呀，d人嘈住佢訓... 如果我有能力，我真係想接走婆婆... 記得以前我地每個禮拜上婆婆屋企，婆婆都煮1x樣送比我地d孫食架!!!!超好食，我試過食3碗飯 *個時只係小學生* 婆婆煮既飯係有飯焦架!!!因為係用瓦煲煮，所以特別香!!!! 因為我細細個就好食得，又為食，所以婆婆會另外煮定甜品比我，又會係煮飯時比我一個偷食!!! (有1x個孫，個個偷食，好快就食晒麻!) 諗起真係覺得好幸福，婆婆記得晒我地每個孫鐘意食d乜，買送都要行2，3個街市，買最好最靚既送先返黎煮! 雪櫃長註定我地鐘意飲既益力多，雪糕同可樂~ 簡直想要乜都有乜呀!!!!! 最緊要係過年過節，婆婆一定會親手整節日食品比我地... 真係有婆婆係度，d孫又點會捱餓？! 婆婆鬧過貓媽佢地 "個個都唔打得鬧得我d孫!" 真係錫到暈!!! *醒起以前每次離開婆婆屋企，我都會錫佢一大啖~~~*

宜家婆婆都就快90歲了... 我覺得可以攬住佢就要攬到實一實... 有d野宜家唔做，就會後悔，唔可以只係得個講字，真係要做... 尤其是對住自己最親既人... 到有一日，大家要分開時，就會發覺 "點解我唔多d陪佢？點解我唔錫下佢？"

英雄只是做了自己能力範圍內的事; 凡人卻是做得到的事不想去做，而夢想著那些他做不到的事 - Rolland, Romain

要做我能力可以做到既事，一定要咁樣做... 無論係家人，朋友，愛情，事業... 呢一刻唔好好捉緊，下一刻就可能失去了... 今日走時，攬了婆婆，摸一摸佢塊面... 好唔捨得.... 我真係好掛住你...

**婆婆唔精神，所以無影相啦，下次先啦~放住張電筒相~~~**

**多謝狼送我上圖既電筒... 人力發電，得意環保又好用~~^^ **

過左年就會好...

2006-12-04T22:46:00.000+08:00

"過左年就會好" 成為左近來我既口頭禪.... 無法，今年我無乜野好過，近年尾，身邊幾個好朋友都遇上唔開心既事....我只好寄望過左年就會好.... 一定會好呀..... 一定要好......

無乜心機，今日唔寫咁多了，今晚要早d訓，聽朝一早起身出去探婆婆....

晚安了.....

邊爐麻雀夜!

2006-12-03T22:43:00.000+08:00

辛苦左一日，尋日朝竟然訓唔好，一早就彈起身!!同貓媽行完wellcome，我就去剪左個髮，無剪短啦，只係修下~因為怕紮唔到髻羅!!第時唔做呢份工先剪kary頭!!!

夜晚同左騮，豬，狼去左shatin沙角打邊邊呀!!!!點解要去0個度？因為平羅!!!人頭費$48 (任食!)，+$9 (任飲汽水)，湯底$33 ! d野食ok喎!!!我地食左差唔多2個幾鐘!!! 出去羅野食真係好似要搶咁羅!!!!! 我地都食得幾多~~~超多肥牛呀~~~家下諗起都有d餓!!!

食完我地就返歸打麻雀!!今次我地打大陸麻雀呀!!!第一次玩~幾得意呀!!!玩法係乜野糊都可以食!!!如果杆到就有錢收羅!!!因為我地玩得細，所以食糊都係幾蚊上落!!!但當你可以斷左人地無得杆時，真係ok開心架~~~ (雖然有d黑心~~~hohoho~)開開心心玩完食埋個宵夜就返屋企啦!!!我開始有返以前既胃口啦!阿騮猛話"好事!!!" 哈哈!!! 不過呢期好多好耐無見我既朋友，都話我瘦左好多，其實我真係無瘦過羅!會唔會因為塊面睇落瘦左，定還是我之前塊面實在太包呢？

再遊西門町

2006-12-03T22:26:00.000+08:00

話說大前日我飛去台北，因為long stay既關係，所以就同左d crews出去行街，一心諗住只係買阿bi極力推介既chic choc眼線筆 (阿bi話勁閃的!!!)，無諗過最後我係洗晒成份allowance羅.... !!!! 我地既目的地係西門町，對上一次去係同阿騮年半前既事啦!!! 我地係桃園出發，搭火車 + 捷運大約 45 mins就到啦!!! 因為去過既關係，我地都好熟路!!!!

一開始我就無左一半allowance，係chic choc度買左3支眼線筆!!!!! 好彩佢送返個eye shadow同埋d sample比我，我先覺得無咁蝕!!!! 之後我地又係d地攤度買皮帶!!!我買左一條超閃既皮帶，大約hkd 20 啦!! 然後經過watsons我又掃左2支tiffa既mascara (買唔到kiss me..)同一盒金 + 銀既低調閃eye shadow!靚到爆!!!! 掃到呢度其實我都無乜錢!!!! 之後係條小巷既鋪頭買左件外套，我就已經要收山了.... 點知係我地飲完野之後，經過車站，我又殺左好幾盒 "我的美麗日記" 既mask，無計，真係太平... 日日敷都唔會痛0個隻.... 最後我帶住200蚊台幣返hotel附近既便利店買左少少野食，就無晒錢了~~~hoho~~~返到房仲要幫d戰利品影張相!!!

雖然long stay可以行街好開心，但第二日要飛返8個幾鐘先收得工，真係超辛苦!!!所以唔會再swap呢d機黎做，有得做就會做，但唔會刻意...

dinner去左同阿騮食過既蛋包飯!!!!仲係非常好味羅!!!d crews都話好介紹喎!!!!!

打邊爐

2006-11-29T13:51:00.000+08:00

哈哈~呢間唔係小肥羊呀~但睇到時真係諗起小肥羊羅!!諗起小肥羊就會諗起打邊爐!!!大家鐘唔鐘意打邊爐先？我尋晚就係屋企打左一次羅!!!係呢d涼涼地既天氣下打邊爐真係好爽呀!!!!

記得以前小學時，每次臨返學時如果貓媽話 "今晚會打邊爐"，我就會成日都神不守舍，淨係諗住快d放學快d打邊爐啦!!!哈哈!!! 打邊爐對我黎講真係好重要!雖然只係放d野食落去碌下碌下咁，但熱辣辣，覺得特別好味架!!!!

我最鐘意食肥牛，豬潤，魚皮，麵根，豆腐，蘿蔔!! 我好少會碌蝦，因為難得剝殼!!!哈哈!通常呢d會交比貓爸做，佢會碌好多，然後turbo手咁剝比我食! 仲要有大量既菜!!! (但唔要塘蒿!!臭既!!!) 湯底最好係yim茜皮蛋，因為下火，無咁熱氣!!! 以前碌到咁上下就會落d烏冬落去!!! 不過宜家好少，因為食唔晒，我記得我好鐘意飲打邊爐0個d湯架!!但貓媽話唔好喎... 話好肥又燥喎.... 但真係好好味羅!所有精華係晒度!!!! 諗起都好想食多次，如果今晚又再打就好了... 不過又真係好熱氣羅!!!!! 都係時候飲返d菊花茶了.....

天氣乾燥，大家記住飲多d潤野啦!小慧家下一日朝早都飲杯冬蜜潤一潤!!!!搽少好多野係面係身羅!到夠潤羅!

鐘意砌小模型呀!! * UPDATE*

2006-11-28T12:24:00.000+08:00

係米好得意呢？係我同狼一齊砌既，不過主要我自己砌啦!!!超得意既小型扭旦呀!!!^^ 真係扭到出黎架!!! 同之前hello kitty0個隻差唔多，不過呢個係要自己砌羅!!!連入面d小型扭旦都要貼貼紙架!!!!好過癮呀!!!!雖然係咁細個，但砌好之後真係有滿足感喎!!!好鐘意迷你既野呀!!! (所以好鐘意阿靚貯0個d迷你家具同埋食物，不過我屋企無乜地方放出黎，否則我都會貯埋一份，因為真係超得意!!!)

每一日見到呢隻小扭旦我都好開心!! ^3^ 宜家先培養呢d興趣係米有d遲呢~呢排又鐘意砌野，鐘意煮野，鐘意整野飲... 哈哈!!今日都要好好地睇下網頁睇下書先得~~

另外要恭喜阿kay同louis呀!佢地真係超SWEET呀!!!要放louis首lum歌出黎先得~ (請係music player度開黎聽)

**MAD U SO **-->係louis作曲填詞編曲，一定係作比kay!

sweetie 你話你受夠了你不會笑你忍夠了
我態度太霸道似訓導去教導
如爸爸教細路要你報到你要知道
只因 我要確保你屋企返到我至訓得到訓得好
yeah... I say No No No No maybe U want to Go Go Go Go
你向我投訢我太似保安小組
但你可知道在我心裡你是我一級國寶

because I Love U So that's why I Mad U So
請別怪我多道理 wow....babe don't U know?
because I Love U So that's why I Never Let U Go
Ba La Ba La Ba La Ba La
常囉嗦也要你知道 I love U

sweetie 我認我臭脾氣我認我好小氣
唔識去討好你但其實一句到尾
我只係緊張你緊張你仲緊張過我自己
道理唔理不會放生你
你不想見到我會通宵去惡補
我會多點洗澡我會戒掉老士
為你好為你好就算些少劫數些少既煩惱我也不會讓你遇到

baby baby don't you want to count on me
You will see baby baby we will be the fantasy
講得到會做到與你教堂能去到

白髮白髮齊眉共你共你牽手到尾

music player加左新歌啦!!!

2006-11-27T13:39:00.000+08:00

等janice既新album等左好耐啦!!!!越黎越鐘意janice~覺得佢成熟左好多呀!可能要take care 妹妹，所以姐姐既感覺濃左呀!!! 新album無令我失望!!!基本上隻隻歌我都鐘意!!!揀左4首我最鐘意既放上黎!! 呢隻album無左以前0個隻 "嗌" 餐死既唱法，有感情左!!!

小慧推介: 離家出走，do you know where u're going to, 愛你還愛你，深愛

我都好鐘意jill~ 睇樣既話，一眼就會認得出，唔會認錯佢同janice，不過如果jill唱慢歌既話，有d音真係好似janice架!!!不過其實佢地2個既唱功唔同~歌路唔同~janice把聲係甜d既，而jill就沙沙地! jill跳舞真係好勁!!!超鐘意呀! 今次只係出ep，得幾首歌~ jill唱既快歌真係令小慧un下un下咁想跳舞呀!!! (日日都爆聽de ra go!) 放左以下既歌~

小慧推介: de ra go，寧願你不知道

leon既歌我又點可以唔支持~雖然有時leon講野真係好難明~ (但我見有d網友話leon講野其實係好有意思...+_+) 今次都唔算大碟... 得0個7首歌，不過隨碟送個月曆算係補返條數啦!!! leon既lum歌一樣係lum爆左小慧~hoho~ 我好有興趣睇佢套musical movie~雖然有預感唔會好好睇... 但呢個係慈善既movie呀~支持下都應該呀!加上leon好比心機拍架!!

小慧推介: 愛是傻得起，你有本事

本來無心想聽，但比 "合氣道" 吸引到羅!!聽見有黃秋生旁白左一段架!!阿秋生哥係leon同埋阿杜生既好朋友~佢出手都唔奇~但聽到佢把聲，我就會諗起mcdull個校長羅!XDDD 首歌都唔錯既~ 首眼睛想旅行其實好好笑，如果你有睇過個MV，一定笑爆左!!!另外一隻 "值得愛" 都係LUM歌，同LEON同埋CHARLES合唱既!!!0岩晒拍拖SWEET既人聽!!!

小慧推介: 合氣道

我UPLOAD左以上既歌架啦!大家可以係右面既TV仔到DOUBLE CLICK個MUSIC ICON~就會有歌聽架啦!!!GOGOGO!!!

另可以睇下下面阿澤個眼睛想旅行既MV~一定要睇到尾喎!好笑!!!

受了傷...

2006-11-26T23:18:00.000+08:00

尋日被人called左做班seoul既overnight，好累既機，因為要經taipei，所以間接做左4程機。好耐未去過seoul，轉左新酒店後都未去過，新既酒店唔係好得... 間房暗到我照鏡時睇唔清楚自己個樣... 連報紙都睇唔得到~ 麻鬼煩!!!! 同d同事係樓下食左個bb bam，吹左2個鐘頭水就返歸。最後係房睇kill bill 睇到半夜先訓到!! =_= 食得飽過頭，訓唔著....

今朝都好地地既.. 但開工無幾耐，唔知經過邊度，勁bumpy!!!我諗我地stop 左service大約4，5次! 係我check cabin時，我就發生小意外了，因為經過氣流，0個一下一chok!我成個跳左起身! 簡直有騰空既感覺!!! 成個人升起左呀!!! 之後梗係無安全落地啦，係成個肥美大脾撞埋去張凳度!!! wow!痛到我丫!!!!瘀左呀!!!陰公!!!!d同事又咁0岩睇到，個個都嚇傻左!猛問我有無事!! 其實無野，只係瘀左一大躂only~ *大家記住~搭飛機一定要扣好安全帶，真係為你地著想，有時真係會遇到突然既氣流，講真，有時我都好驚架!*

頭先見瘀左0個度變左紫色了，陣間要搽d去瘀膏先得~~因為放工後好支力，所以我都唔會刻薄自己，夜晚同狼去左pizza hut食野~叫左2杯秋日特飲~食飽之後好滿足呀!!!雖然身體感覺好支力... 但食左自己想食既野，心情都會靚d架!我仲買左dark chocolate比自己，希望可以放輕鬆d啦!!!唔可以亂發脾四!!! (唔方便既日子，係炆d架啦... 所以要食chocolate ! cheer me up!) 聽日又要繼續了~~~ 努力~~~~

保重身體呀!!!

2006-11-24T14:47:00.000+08:00

呢排天氣又凍左啦!其實我真係好鐘意呢d天氣!我覺得越凍越舒服啊!!!不過點都好，大家都要著多件衫!飲多d暖野呀!!!

今日行過watsons，sunkist呢隻vitamin c特價!! calcium0個隻都特價呀!! $19.90/box 好抵呀!原價要$ 6x架!!其實我唔知有呢隻野，係因為騮買過比我食，所以我先知呀!!!之前食晒隻calcium好耐啦!!!其實都想買返calcium，但貓媽話我成日鼻敏感，不如食vitamin c好過啦!!! 唔緊要啦!我會係機上食多d cheese同飲milk補返d calcium架啦!!^^ 大家有興趣既話記住快d去watsons睇下啦!!!

有時出街呢，見到d女仔食飯前食飯後都食好多pills... (即係fancl0個d呢....) wow!!一日食3，4x粒都有! (因為每隻每次要拍幾粒)，咁樣先做到吸油去油減肥美白去斑既效果!omd!!! 食完呢d pills之後乜都唔想食了.... 雖然唔係話隻隻都係藥，有d確係營養素... 但咁後生，其實食平時既食物已經可以吸收到應有既營養啦!!! 我諗佢地係因為要減肥，戒食好多野，所以又要食返好多營養丸，又要食定d吸油丸咁.... 真係嚇死佢地d bfs羅... 後生仔女.... +_+ 幾時食得到老呀？

p.s. 尋晚發左個好惡既夢... 係夢裡面，我被逼不停咁睇好多鬼相呀... =_=''

p.s 2 開始對煮野食有興趣!今日睇左好多甜品網頁!已經打算緊下次整乜野啦!^^

wohahaha!我成功左!!

2006-11-23T10:03:00.000+08:00

無錯!小慧我竟然整野食!大家係咪好驚？驚係正常既，因為我家政唔合格，又試過整爛個爐，阿哥食完我整既cookies後肚痛，阿爸又食過我整既 "半生熟薄餐" !!! 哈哈哈哈!!! 我真係唔識煮野食，炒菜煎蛋都唔識!!!!但今次我勇敢地下廚!因為呢樣野真係好易整! 就係芒果糯米滋啦!

我唔打算係度講點樣整，如果你地有興趣，就話我知，留個email比我，我可以send個recipe連埋製作圖比你!!!!

尋日朝早一起身整，即刻嚇親貓爸，以為個女傻左，點解會煮野食!! (平時係會落order叫老豆煮野食，自己乜都唔會煮既死懶鬼就係我!!) 我整好之後，超一超貓爸 "做咩呀!唔敢食呀!!!" 貓爸即刻羅住一舊咬下咬下!哈哈!居然佢話唔錯喎!! (可能驚死，佢最怕我發脾四) 仲連食多2舊!見反應唔錯，我又去整多一碟!!哈哈哈哈!!! 貓爸今朝早無肚屙呀，咁我諗應該無問題吧!!!!食得過羅!!! 陣間羅d去狼度比佢試食先得!!!! 尋日仲叫阿叻整埋一份!呢個超簡單，一定要整!!!

開心既一晚!!!

2006-11-21T23:52:00.000+08:00

今晚約左ada食飯呀~其實早一個week前都見過黎，不過唔夠時間傾計，所以今晚又再出黎傾過喇!!!

去左間唔錯既餐廳 (好似叫worldstone) 叫左個好特別既pasta (雞柳野菌意粉 + 綠茶忌廉汁) d汁超好食!我好耐無試過食晒成碟野!今晚竟然可以呀!!!!証明真係好好食!!! 下次去試下其他汁先 *佢有好多好多唔同既汁架!!!*

邊食邊傾大家既近況，ada越大越受歡迎，真係令人羨慕呀!點解我每況愈下既.... +_+ *sign* 傾下傾下就講自己對靚仔既睇法... 小慧好型咁話 "靚仔，米就係得靚仔羅! 確實識到靚仔又有錢又識tum人既男仔，但米only咁樣羅!仲有乜野優點？!" 如果你地想識呢類男仔，小慧可以介紹過你架!!唔好問我點解我無興趣，靚仔唔等於吸引~唔等於attractive喎! ada問 "點解你咁難鐘意男仔既" 小慧答 "朋友既鐘意我會好容易發生，但戀愛既鐘意，係萬中無一，要有0個種心動既感覺先算得上鐘意! 事實上，我由細到大都係好難鐘意人... 見一個鐘意一個既情況無乜發生係我身上... " 所以話呢，我都算係古老派架!!! ai，邊有咁多時間心機咁花心呀!!! 唔支力既咩？

食飽去左行skinfood，我以為我會買到野，點知最後都無，可能d sales唔係太討好啦... 但我對佢既cheese mask好有興趣!!聞落好cheese!!想唧黎食呀......

之後又發左癲咁係watsons同citysuper係咁試make up野，講晒比ada知我試過d乜，真係嚇親佢了... 因為我試左好多野呀(但無買!!hoho).... 希望我既經驗會令ada洗少d冤枉錢啦!!!

最後一站就係卓悅啦!我預左會買野，但最後買唔到我想買既野，只係買到上圖既野羅!!hoho!!

由上至下，左至右開始

1. mouth mist - 呢期無日本flight，買唔到平時用開0個隻，用住呢隻青檸先啦!$12.9

2. babypink jelly base - 一直無base用，大學時係用呢隻既!用完又滑又閃!仲控油!平價中算係極品! $39

3. 玫瑰豆乳洗面膏 - 係be forum聽人講話唔錯，咁0岩用晒洗面野，即管試下 $11.9

4. 洗甲水 - 用晒所以要買 $13.5

5. lasara essence base - 只係8卦想買黎試下!頭先試上手無乜特別，但標榜保濕既base，買多支係dry既天氣時用都唔錯! $25

6. lasara essence powder - 亦都只係8卦想試only，係透明既保濕粉餅，咁0岩開工用開既za控油粉餅用晒 (za又係超好用，又平!) 所以買黎玩下啦! $28

7. vov liquid concealer - 同ada一齊試上手，大家都一齊話唔錯既concealer，遮瑕唔算勁，但自然同埋保濕! $50

8. needme指甲油 - 同我係日本買既"化妝惑星" 個look超似呀!!!買黎玩下羅! $5@

就係咁!埋單唔使 $200，開開心心既shopping，ada都買左我推介既eye shadow同mascara!!! ada因為見到我搽 purple 既mascara同eye liner，所以都好想買make up!!無計啦! purple係我最愛，我好鐘意用架!!!超靚靚的!!!! 下次要ada 化妝比我睇! hohoho!

女仔既錢真係易賺呀~我都好想開卓悅呀~~哈哈!!!

放幾日假了!!

2006-11-20T21:56:00.000+08:00

難得今日既FLIGHT好LIGHT LOAD!飛SEOUL都話有CREW REST!哈哈!可能因為LIGHT LOAD，所以我都做到好醒神!!!!D客仲讚我好好笑容好NICE! THANK YOU!HOHOHO!

做完呢個SEOUL TURN AROUND，我終於有4天既假期，諗緊聽日去唔去見工好，因為做FINANCIAL CONSULTANT似乎唔係我想做既野.... 如果唔見工，我可能會係屋企煮下糯米磁，因為我應承左狼會整比佢食的! 夜晚就可能會同ADA去食飯啦!不過一齊都未決定，我仲係想HEA下HEA下咁! *鬼咩，今朝4點就要起身，我家下都唔係好清醒!!*

阿叻同TALIE決定去旅行，INVITE我一齊同行，其實我都好想去佢地呢個食野+觀光團，但我無把握可以調到假.... 盡我能力啦....

下個月會比到ROSTER你地架啦，因為算係正常返既ROSTER，不過都係全部TURN AROUND，因為我JOIN左HIGH DENSITY... 為左X'MAS可以留係HK，我唯有再JOIN羅.... 註: HIGH DENSITY係一個只返TURN AROUND FLIGHT既SCHEME，而呢D TURN AROUND FLIGHT都係D長時間既TURN AROUND，一日大約飛10個鐘*

今晚會懶懶閒閒咁過... 今日既體會係，有時自以為既唔好運，其實已經係好運，今日我雖然要飛SEOUL TURN，但同機另一個STANDBY既CREW無啦啦比人PULL OUT要飛其他機，0個一刻真係好DEPRESS架!因為已經開始左BRIEFING先話要轉機... 仲要我地班機咁LIGHT LOAD，我覺得，一係就PULL我一係就PULL佢，幸運地無PULL到我，所以我仲有力有時間係度打緊BLOG，不幸中既大幸就係呢D，我會記住活在當下，要ENJOY，要感恩!

女人唔滾，男人唔緊？

2006-11-19T21:58:00.000+08:00

咁0岩"滾"左壺菊花茶姐~~同個topic無乜關係~~hoho~enjoying~

今日係狼家睇 "大丈夫2"，無乜期望咁去睇，因為無睇過第一集，亦都好少睇港產片。套片我唔可以話好好睇，但確實有d野可以諗下... 可睇下官方網頁內既片頭: http://www.msib2.com.hk/

好地地4個女人，因為老公去滾，為左報復，為左保住個家，決定一齊去滾，唔同既係，男人滾唔比得人知，但女人滾就一定要比人知!呢個point真係諗都無諗過.... 睇見曾志偉0個4個男人，為左滾，諗盡辦法瞞住老婆，但其實d老婆一早識破，只係唔出聲，呢d確係中國婦女一慣既持家方法。自以為聰明既男人.... 一直都活係自己既小聰明... 可憐4個老婆一直要扮蠢。最後4個男人因為知老婆去滾先識死.... 個個認錯返屋企... 不過tum掂左後又計劃去滾.....

套戲一直都講"無一個女人係想滾既".. 其實都難於套用係家下呢個年代... 風情萬種既女人多得是... 只係男人可能真係為左洩慾先去滾，佢地可以好快忘情，但女人一出去滾，就真係會用左感情... 正如戲中話 "男人滾完就識返屋企，女人滾完就去左人地屋企"... 男女既唔同之處，可參考 "men are from mars, women are from venus 男女大不同" http://www.sleeply.com/man/

如果你既另一半真係去滾，你會選擇扮唔知，定攤牌，定係你都去滾呢？

返來羅....

2006-11-18T17:16:00.000+08:00

終於都返黎了.... 成個身散左了... 其實FLIGHT唔難做，只係因為不停咁捱夜 ... 所以皮膚差左，個人殘左... 無晒精神.... 好眼訓好眼訓呀....

幸好今SET CREWS都好好... 仲遇到阿叻既朋友，另一個叻!哈哈!可能因為大家都識阿叻，所以好好傾，又鐘意食野喎，尋日好放肆咁又食SUSHI，又食MANGO糯米，又食西柚.. 雖然同細叻SHARE左一D，但都已經食唔少!! 但我地都有互相提醒架! 我見細叻想買甜品，就大大聲講 "肥" !當我想食生蝦時，細叻就話 "肥"。所以大家之後都唔敢再買野食! 阿叻，你睇下我地幾忍得口丫!你唔好再比我知你食咁多野!!!唔係我將D CHERRY POTATO塞爆你個MAILBOX架!!

要好好抖多一日先得，因為後日又比左早機我了... 捱埋佢，就可以放4日假了....

上圖係我貓媽送我既手鏈，因為我成日發惡夢，又訓唔好，所以貓媽買黎比我定下驚喎~雖然我唔係好信D乜，但我帶左可以令佢安心既話，我會一直帶落去!

Special Post In Bangkok

2006-11-17T15:24:00.000+08:00

Hi dear All!

Here i am! still in Rama Garden, Bangkok. Just finished a tough midnight flight to colombo... slept for about 2 hours, and now goind to central plaza for fun...could not sleep well... and acnes come again... will be back on tmr afteroon. how come just one message left for me in the latest post? U guys feel so boring 'bout me? .\/.

anyways... posts still keep updating... i miss bi.. all the best wishes for her...

4天的旅程開始 (UPDATE)

2006-11-15T08:52:00.000+08:00

尋日一早已經接到duty，知今日會飛架啦!所以都有心理準備! (我寧願佢早d比我知，就算係shxt flight我都會好好ready) 今日下午飛去bangkok先，stay一晚，聽日夜晚由bangkok飛去colombo (斯里蘭卡0個面)，到半夜再飛返bangkok，再stay多一日，第四日既清晨就由bangkok飛返hk，行程大致如此，辛苦在除於d客係好煩之外，就係要捱夜，除今日外，其他時間都要係夜晚or半夜開工.. 對於身體機能同埋皮膚都有好大既壓力呀!!! allowance又唔多，真係要頂硬上。 *18號會返黎啦，咁0岩阿bon都係delhi返，不過時間唔同，應該都撞唔到，好miss阿bon*

講開阿bon，尋日傾開先知阿bi入左醫院，嚇到我發左茅咁搵阿bi... 當然最後我係搵唔到，所以令我更加擔心... 好彩最後阿bi都打返比我，我個心真係差d跳左出黎，如果唔係要飛，我真係飛出去睇佢... 18號返黎，我希望我可以去睇下阿bi... 知佢有事，攪到我無晒心機飛，感覺好不安... 尋晚聽到佢微弱既聲音.. 真係好心痛... 阿bi撐住呀!!!!等我返黎呀!!!!!

照舊有d乜野就留msg or email比我啦.. 不過可能都無乜時間check到，我諗我會怒訓 ...

PS: 尋日"教訓"完阿丁後，有點後悔，哈哈，不過魚同丁心照啦，講過就要做啦!唔該!

滿足!!!!!!

2006-11-14T17:00:00.000+08:00

哈哈哈哈!終於比心機整返好我部ppc了!一直hea左好耐!之前因為壞左，format晒d野!宜家入返晒d野入去，整返個阿寶theme，即刻成個醒晒啦!!!yeahyeah!!!!

不過最最最緊要就係，我入返d ebook入去，咁我就可以隨時隨地咁睇書!當然咁樣睇書係無羅住本書咁過癮!!但有時開工去outport又真係唔可以羅咁多野，所以ppc裡面既ebook絕對係我既精神食糧!!!!今日仲download左好多名人傳奇同埋歷史書呀!正到爆!正計劃再次睇返我既"三國演義"，諗起都心情緊張!^^

除左幫ppc裝好身外，今日又去左cocktail網學野了~新既cocktail越黎越多，如果可以樣樣都試下就好，.... 不過最重要係要認到乜野好既酒，咁樣先可以mix到正野! creativity都好重要，雖然阿bon send比我既cocktail game係有d兒戲，但係都可以開發下我既創作能力既! 今晚有時間再上cocktail網8下先!

另外鐘意貓貓既朋友仔，不妨上下呢個貓貓FORUM，入面有好多貓貓既INFORMATION，對於初養貓貓既人好有幫助! http://www.hkcats.org/phpBB2/index.php

講開貓貓.... 尋日同個同事返屋企時 *大家都住同一條村~* 佢話其實睇一個人鐘意貓定鐘意狗就可以知佢既摘偶條件係點! 佢話鐘意狗仔多D既人，都鐘意熱情D，癡身D既伴侶，相反鐘意貓貓多D既人就鐘意有個人空間同自由，唔鐘意黏住對方... 咁講法，都OK APPLY到我身上，你地覺得呢？

啤咩呀啤!

2006-11-14T10:43:00.000+08:00

阿寶就係成日呢個樣望住我... "啤咩呀啤!" 串到死...呢D樣出街一定比人打架麻!!! (當然佢係邊都唔會比人打啦!)

尋日一早流流就比人CALL左飛印尼~即日來回，飛足10個鐘... 返到黎真係變左人乾!!又爆左2隻指甲... 好好笑，D同事個個輪住幫我羅膠布 (因為我係咁甩晒D膠布)，貼到成手都係! 阿姐都係度笑我做乜! 本來開工時我都好無信心，因為前一日比人鬧完麻，但上到機我就唔想再發生唔開心既事，所以好比心機做野，其他無謂野就唔理! 好彩安然度過左! 想係度話比大家知~我無再耿耿於懷 LU~~

呢排呢，我好鐘意飲菊花水呀!即係羅D菊花就咁用熱水跼完就飲!非常清新好飲!!! 飲完都覺得自己無咁躁呀!! 如果加埋HONEY就會再潤D!!! 同埋菊花水可以用黎敷面架!唔係講笑!我真係試左幾日，連毛孔都細埋呀!!! 同埋對瘡瘡都有消炎鎮靜作用架!!! 試下啦! 反正菊花都好平之麻!!!! ^O^

私人空間..

2006-11-12T22:07:00.000+08:00

尋日寫完個唔開心既post之後，即晚就發左個惡夢了... 但我仲係耿耿於懷中 .... 壞心情仍然迴繞住我... 笑唔出... 可能不停被人鬧鬧鬧真係頭一次... 感覺好難受....

係singapore時我有諗過... 我都ok慣左自己hea係hotel咁... 越黎越少出去了 ... 講下我0個晚做過d乜呀!

7點半夜晚返到hotel，放低行李，開著tv，開始羅出自己要用既用品，然後就放晒係toilet。之後除con，落妝，洗面，沖涼，吹頭。

攪掂自己之後，就開始睇room service既menu，搵唔到想食既野，就打落去問有無海南雞飯，之後order左一個，然後無無聊聊睇住 "綜藝大哥大" (台灣節目)，15mins到room service到，同個bell boy傾左幾句 (又以為我係日本妹) 開左罐diet coke就開餐了。食左一大半就停左口，鼠上床繼續睇電視... 但開始無野好睇，連singapore news都睇埋，就訓。.... 之不過可能被人鬧得多，我連覺都訓唔著，失眠... 一邊係度玩數獨等眼訓，但越玩越精神... 到2點幾先訓著... 無幾耐4點半又要起身.....

起身後又開著電視，洗面，化妝，換衫，set 頭，呆坐... 等夠鐘就落去集合....

我既hotel私人空間就係咁了... 無聊嗎？但已習慣~

棉花糖...

2006-11-12T17:10:00.000+08:00

唔... 一個令小慧哭了的短片呢...
阿寶都係我既棉花糖....

睇唔開...

2006-11-11T17:08:00.000+08:00

或者因為一直都算順利，又或者沉得住氣，係工作上我都好少遇到"上司"既hardtime (多數係遇到麻煩既客多既~)今次就真真正正地hardtime了....就算放左工我都仲未可以釋懷....

不停比大家姐話我唔笑唔笑唔笑... 堪稱最好笑容，最唔錫身，最勤奮既我 (起碼我相信我身邊既好朋友會贊成呢幾點... 因為我比佢地話過我傻!)竟然得到大家姐咁樣既comment... 或者我就係比佢捉到我唔笑既moment...

佢可以由尋日講到今日... debrief左我3，4次，之後我阿哥又要象徵式咁debrief我幾次... 我只係飛一個singapore overnight，加埋既flying hours都唔過7個鐘... 但我感覺比人hardtime了正正7個鐘或者更長時間... 同事們都唔覺得我有乜野問題... 我自己呢... 我諗我應該係無一刻唔笑咁先可以達到大家姐既要求吧...

比佢debrief時... 我真係有一刻想過 "一巴車埋佢!" 哈哈... 幻想中做左啦....不過到呢一刻，我仍然有條氣好唔順既感覺... 我真係未試過咁耿耿於懷.... 好希望係我寫完呢個post後，我會放低呢件事啦....

氣味

2006-11-09T13:30:00.000+08:00

你喜歡身邊奇怪既氣味嗎？

1. 地鐵既鐵"秀"味...
每當地鐵一到，必定張大鼻孔聞個夠!
(阿餅同connie都有呢個嗜好，但加左屏障後聞唔到了)

2. 天拿水
一裝修聞到天拿水味就覺得好正!
細細個時已經鐘意聞...

3. 五月既氣味
中學既好友係中四0個年既5月自殺過身...
自始之後，每逢5月我就會聞到一陣味
完全唔識形容... 唔係臭唔係香...
過左4，5年後就開始無聞到0個陣味
(記得0個時問過其他人聞唔聞到，但個個say no!)
亦已經淡忘左佢過身既日子....

4. x'mas既氣味
讀書時，差唔多到12月頭，我就會聞到x'mas味!
就係一大陣x'mas既香氣!!
好鐘意0個種味! *放假既氣味!!!hoho*
另外新年都有陣特別味，一樣咁喜愛!

5. 落雨既味
中學有個同學仔同我講落雨之前係有陣味既
佢叫我留意下!
之後我刻意留意，果真有陣味既!!!
但到我讀完中學之後，我就再聞唔出!

生日快樂!DARLING JULIA~

2006-11-09T10:21:00.000+08:00

HAPPY BIRTHDAY TO YOU!

HAPPY BIRTHDAY TO DARLING!

HAPPY BIRTHDAY TO YOU!!

現實生活中送唔到個咁靚既蛋糕比你!

係BLOG度算係一番心意啦!^3^

希望你工作順利!同阿JOE開開心心呀!!!

小慧推介

2006-11-09T10:13:00.000+08:00

底0個盒係我同阿騮尋日買的~$45/35PCS! 係卓悅有售!!!唔可以當佢係MASK啦~但當TONER用唔錯~!洗完面後敷上面大約5~10MINS，我尋晚已經試過~敷完之後塊面好"水"同埋好滑呀!唔使再過水架啦!再搽精華同LOTION就OK!日日用都唔會心痛!HOHOHO!

左面0個盒係SKINFOOD既SESAME MASK!搽上面會有暖暖地既感覺，有DEEP CLEAN同滋潤既效果!!!冬天當佢係DEEP CLEAN MASK 幾好!唔會凍親!!!! 用完呢個MASK唔使再用補濕MASK，因為已經好潤滑!!!

右面既係SKINFOOD既RICE MASK!有美白去印既效果，一面敷時聞到陣陣飯香，真係想食一啖呀!!!用完之後係好明顯白左同埋超滑的!呢個係SKINFOOD既皇牌黎架!可以一試!!

得閒可以去睇下SKINFOOD既網頁呀!整得好靚!

http://www.skinfood.com.hk/

~成人禮~

2006-11-08T10:11:00.000+08:00

正版!

超型既朴志胤~ (家下好似失左蹤咁了~~~)

aunties版!!!

唔知大家記唔記得佢地，我記得我讀u時佢地都好"hit"架!!成班傻佬成日拍埋d無聊野!0個時我諗"點解佢地咁鬼得閒架？" (話晒都poly學生呀？真係唔使讀書架？) 但確實覺得佢地好creative同埋有勇氣!!! 除左扮"成人禮"，佢地仲扮過cookies的! 又係笑到爆! 家下仲有不停咁拍片架! 但已經改朝換代晒!有興趣可以瀏覽佢地既網頁: http://umovie.net/

MINI版成人禮

我無記錯，好似係我中學時有人SEND比我的!呢個小妹妹真係嚇左我一大跳!!0個時我都好鐘意朴志胤!所以0個MV我睇左N咁多次!!!!當我睇到呢個小妹妹既LIVE PERFORMANCE... 我係眼都定晒! "唔係麻？咁勁!？" 真係型喎!!!如果我有個女咁型真係正!XDDD

機械人合體!!!!!!

2006-11-07T11:33:00.000+08:00

唔講你地唔知，小慧以前都成日玩機械人，無計，對上只係得個阿哥。左圖係隻狼賄賂貓哥既貢品，絕版，所以值錢，貓哥即刻放係檯頭，如珠如寶咁珍惜!

對於我黎講，隻隻都差唔多樣 (尤其0個d鐵人系列)我只會認得變形金鋼，百獸王同高達。以前我地有好多模型架，同親貓哥玩我都要被逼做壞人 (有一隻綠色既機械人比我地認定為"石堅"，次次都要搵佢做壞人) 但呢隻"石堅"只係得一招，就係彈2隻手出黎... 所以當我彈左佢對手出去，我就等於輸左... +_+ 超無奈!

間唔時貓哥會比我玩隻百獸王... 仲要我只係玩到其中一隻腳 (因為係由5隻獅子合體成為一個機械人，我被配給到一隻藍色既獅子only-_-) 時時玩左無幾耐我阿哥就話要合體... 合左體即係唔使要我啦.... 即係無得玩落去....

不過無聊既兩兄妹唔甘心局限於物質既玩樂!我地要追求更高層次既機械人玩法!所以，我地要玩真人版機械人!! 為左可以合體，我唔再需要做壞人啦!哈哈哈哈!!! 今次到我玩貓哥，係唔係我都話合體!!!! 點合體？好簡單，我同貓哥面對住同一方向，我對腳踩上貓哥對腳上，對手就箝住貓哥手臂!!!跟住，貓哥就要好似比個妹上左身咁係屋內行黎行去!! (因為係由我決定行去邊!!!) 咁就等於合體成功啦!!! 0個時我好矮... (我阿哥叫我茄子的) 所以貓哥絕對可以承受身輕如燕既小慧!!!!! 我仲唔non-stop叫合體呀!!等佢時時叫我做壞人丫拿!!!! (我阿哥係咁叫分體... 我睬佢都傻!!!)

鼻敏感....

2006-11-07T09:47:00.000+08:00

今朝又比鼻水浸醒左了..... 之後就係咁打hat chi....
ai.... 嚴重鼻敏感既情況終於出現啦... 天氣一轉，我個鼻就會咁.... 完全可以預計打後既日子都無覺好訓....

其實我細個時係無鼻敏感既... 就係我養左阿寶姐之後... 我就無啦啦有左鼻敏感.... 好記得當時貓媽要我放棄阿寶架... 但後來佢竟然叫我搬出去住 +_+ 真係無良心呀....

為左減少受到毛塵既影響，我有以下既方案:

1. 多d同阿寶梳毛
2. 多d吸塵
3. 多d換床單
4. 飲多d honey，加強抵抗力

e生講過，鼻敏感係無得醫.... 所以都係治標唔治本的.... 所以我插住2條條紙巾係鼻度訓覺既日子相信仍然要持續... 如果大家有d乜野可以幫我減輕病程既，就話聲我知啦.. +_+

愛貓宣言

2006-11-06T23:10:00.000+08:00

因為加入左連署，所以整篇愛貓宣言

* 一生一世好好照顧阿寶
* 愛護世上所有既貓貓
* 繼續為阿寶提供無限新鮮貓糧
* 容許阿寶橫行霸道，有恃無恐
* 貓貓有權好食懶做，我行我素
* 尊重貓貓，不強逼，不勉強
* 光顧貓貓cafe，發揚愛貓精神
* 閱讀貓貓心理書，了解貓貓需要

阿貓地攤分店 - CHOCOCAT

2006-11-06T01:37:00.000+08:00

阿貓地攤開左分店呀!!

http://www.openrice.com/big5/sr2.htm?shopid=16555

新分店叫: CHOCOCAT，格局同阿貓地攤有D唔同，就係似CAFE多過玩貓地方了!!!地方細左!貓少左! 但一樣吸引好多貓迷上黎!再加上係TST，其實都好方便就腳!!!所以我都趁經過，就上去歇一歇!!!咁0岩老闆娘都係度喎!!!HOHO~

老闆娘三隻自家貓貓仍然坐陣! (我記得佢地個樣ONLY! 暗地裡幫佢地改左名~唔理佢地感受~~)同場加左2隻大約3個多月既小貓，相信係好心人執到之後送比老闆娘的!!!右面就係其中一隻爛訓貓!!!

唔知大家去到呢D貓貓CAFE會有乜野感覺!我就唔會刻意去玩貓，我唔會走去捉貓或者死抱住佢... 佢自己行過黎我會同佢玩，淨係咁羅!貓唔鐘意被人勉強，所以我去到都只係平常心，見佢地行黎行去我都一樣咁開心... 不過今次我就見到2個唔多正常既女人...

每當有人玩貓或者抱貓佢地就會怒啤，當正D貓係佢地咁，而事實上佢地已經挾持左好幾隻貓貓... 仲要侯住人地D貓BB.... 真係好恐怖!! (幫佢地2個改左名，一個叫憂鬱王，一個叫暴力狂魔) 佢地除左用美食留住貓貓之外，仲會強搶!!!

點知D貓B就一隻隻咁走去我個度，可能我有貓味卦... 仲要訓係我大脾~HOHO~佢地2個變態女人恨唔到架啦!!!我走時仲將D貓貓抱左過去另外2張檯，因為0個2檯 D女仔都無貓貓陪 (被變態人挾持貓貓之故) 對住貓貓點可以咁既態度呢？佔有慾強既話，就自己養多幾隻，有D人上黎玩貓貓係因為自己無得養，個個都鐘意貓貓架啦，點可以自己一個霸住晒？真係好自私!!!貓貓都有權揀同邊個玩架!!! 如果佢咁鐘意貓，但都唔了解貓脾性既話... 唔好叫自己做愛貓之人!

奇遇 (二)

2006-11-06T01:15:00.000+08:00

前日我飛一班又朝頭早又長途既turn around機，返到hk已經支力到無聲出!同同事道別後我就急急腳走去巴士站等車走人!一上車我就羅定部手機出黎，plug in好個headset，諗住聽住歌訓死去!殊不知係我準備瞌埋對眼時，有個韓國人坐係我隔黎，本來都無乜野.....

係佢坐低唔夠5分鐘後，佢就拍一拍正在聽緊music既我，初時我既反應係 "可能因為著住套u啦!d人梗係鐘意問空姐路呀~問呢d問0個d咁啦~" 所以我都除低headset準備解答佢既問題.... ai.... 點知佢原來諗住同我吹水呀... OMG!

初初我都聽唔明佢講d乜呀!你地都知d korean英文同japanese都不惶多讓啦!講講下佢知我唔明佢講乜，佢就羅紙同筆出黎，佢竟然寫中文字呀!!!!原來佢識寫中文架!!!只係唔太識講!真係令我好意外呀!!!佢d字仲係好靚下架喎!!!我地就係咁係紙度寫黎寫去咁....

呢個korean已經45歲，係個退休既教師，有2個女 (都係做教師) 佢個樣好親切的!佢黎hk之前已經去左美國，日本，新加坡，馬來西亞，黎hk其實只係中途站再去大陸!佢話佢係去探朋友，之後就會去北京同埋上海! 佢同我講，佢識中文同日文，仲有少少德文 (因為佢爸爸係個語言天才!) 佢好鐘意影相同去旅行 (好似電波少年0個隻咁流浪!!) 好勁呀!!!佢宜家就係寫緊一本有關中國既書!!!! (佢將會用韓文，英文，同中文3種語言去編寫!!!) 佢本身對於中國文化好享往!!! 當佢知我姓"陶" 時，佢竟然話我知佢識陶淵明呀!仲有讀過佢既辭同詩，佢就係想過陶淵明過既生活!!!! (我開始慚愧，可能我知既中國文化比佢少，我既欣賞能力比佢低....枉我讀文科了....)

我地整整傾左一個小時... 佢留低左email同電話比我... 我亦都叫佢出左書後要通知我!!! 我真係會send email比佢架! 我好佩服佢，佢連搭車都不忘同不同國籍既人溝通，了解同尊重人地既文化!!佢仲羅出佢自己親手整既kimchi比我睇~好攪笑!! 我希望可以同呢個長輩做好朋友呢!!!!! ^_^

奇遇 (一)

2006-11-06T00:59:00.000+08:00

omg!!!哈哈哈哈!我知我好無聊!但我都要歡呼~其實都已經係早幾班機既事，只係blogger一直short short地，所以我update唔到羅!!!無錯!我同leon同機呀!!!!!

不過我係0係leon走左之後先知... 因為0個程機我係做經濟客位區.... (之前連做7班business class!今次就無我份!!!!) 而leon就坐係upper deck既business class!!!! served佢既係2個indian阿姐同埋一個日本妹... 佢地個個都唔識leon.... how come....？

好記得我開工時，我個partner同我講 "wei wei!過黎過黎!!關禮傑坐係我個zone呀!!!!" 我話 "陣間得閒先睇啦!!!" 到最後我都無時間睇佢所講好man既關禮傑!我當然一d失望都無!!因為我對佢無興趣麻!!!XDDD 點知....

點知係所有客disembarked晒之後，其中一個同事大叫!!! "下？leon頭先係度!!!!!" oops... 呢一叫令我由機既中間位跑到去機頭... i missed my leon.... 我呆左咁望住個日本妹 "anna chan... leon....? " 佢話 "oh.... yes, he is leon,... is he a superstar?" +_+ 係呀.... SUPERSTAR呀... 仲係我兒時偶像呀.... 日本妹只係拋低一句 " he is so tall and handsome....!"

我同另一個怒跑機頭既同事都係度垂頭喪氣... 雖然我唔係dead fans... 但我都好想見leon.... 其中一個同事係呢個時候就望住我話 "拿!比你啦!我搵到leon張boarding pass呀!!" 哈哈哈哈!!實在太好啦!我竟然可以羅到LEON既BOARDING PASS!!!!家下就係我手上啦!!我係咪好無聊呀~~~hoho~唔理你地點話我~我都仲係好開心緊~~~ >o<>

奸人既fans~

2006-10-31T18:24:00.000+08:00

無錯~我絕對係奸人既fans，睇乜野戲都好，我成日都想d奸人贏... +_+ 唔係米有d唔正常呢~哈哈~不過我成日覺得d奸人好叻好醒喎!!!所以感覺就係 "佢咁醒，有乜可能輸先？" 同埋通常演奸人0個d都好型仔架 *唔會係靚仔，但個型格係好吸引0個d羅~~* 以下係我好鐘意既"奸仔"

第一號: 單立文阿pal

實在太型~hoho~熟我既人都知我好鐘意阿pal~直頭係迷戀呀!!!!佢一直都係做d奸角啦... 一唔係就拍3級片 +_+ 基本上大家都只會記得佢做西門慶啦，千歲情人或者係賭俠咁啦!以前佢成日拍住王祖賢拍愛情片的!!!我覺得佢地都好襯!!!! 不過阿pal既3級形象太深入民心了.... *心淡*

總係覺得阿pal個樣係靚仔得黎又有d邪氣... 唔識點形容.... 宜家阿pal主力都係做音樂了... 話晒都係香港首席低音結他手 (大家記得blue jeans嗎？) d singer開concert多數都會搵阿pal，佢亦係mark lui既音樂班底之一。我都ok知佢做緊乜野~點解？因為我同阿pal係筆友羅!hoho~我地有互通email的! 如果可以同佢face to face傾計，我諗 .... 我會面都紅晒! (點解d人會講 "紅都面晒" 呢？ +_+)

第二號: 張耀揚阿roy

記時開始鐘意阿roy呢？無記錯就係佢做古域仔0個時~我記得係我中四0個年，為左睇阿roy，一放學衫都唔換就同d同學去cinema睇~~hoho~我睇緊戲時，都有心跳既感覺~omg!奸都奸得咁型實再太難得啦!!XDDD 好少會對咁大隻既人咁有好感 (GYM裡面D教練，我叫佢地做責責，唔似咩？頭細身大!) 阿roy笑起上黎，好似小朋友咁架~~勁cute!!! 唔講唔知，原來佢都42歲啦!!!!

第3號: 尹子維 terence

佢個樣係邪.... 但好吸引!!!^3^ 不過個樣就真真正正係壞孩子0個隻羅!就算唔睇新聞，我都覺得佢既私生活唔會好得去邊!呢d有樣睇喎!哈哈哈哈!佢做忠呢....無乜說服力呀! 所以佢最好一世都做奸仔啦!hehehe~ alive之中我覺得佢係最型架啦!雖然細粒左d!!!!唱歌都係佢最好聽，佢係主音!!!

素顏的重要.....

2006-10-30T21:13:00.000+08:00

wow!睇完驚唔驚先？真係同一個人喎!!!!呢個女仔既化妝技術簡直係"勁"呀!!!!當然戴埋黑con先有呢個效果啦!!!!日本既女仔係魔術師呀!XDD 男仔們，追女仔前記住要睇一睇個素顏LOOK先喎!唔係既話，落左妝可能會嚇你一跳呢!!!!

上次去台北時，見到好多女仔都戴左黑CON呢... 真係唔係個個戴得好睇，好多戴左之後都變左"羅茲威爾"呀!!如果眼白同眼珠比例唔適合，就會有"假眼"既感覺!!!! 好似李彩華0個隻戴左好得人驚!!!因為佢眼白既AREA太少了.... 眼見街上一個個 "火星人" .... MK0個D地方真係最多最多!!!再加埋假既EYE LASH! ..... +_+ 無言呀.....

化妝呢，我自己都好鐘意，但只要針對自己既弱點，自自然然就好足夠，如果化到有變左第二個人既感覺時，就真係走火入魔啦!!!! 枕邊人點認到你呢？對我黎講，化妝係令自己睇落精神D既方法!亦都可以令人睇落去SHARP D!但點都唔可以偏離左自己原來既樣貌為主!

想要眼仔睇落大D，可以畫眼線，可以SMOKEY EYE，可以搽長D EYELASH~

想輪廓深D可以係鼻奕同眼蓋上打陰影，可以係鼻樑同眼既C位上閃粉，眉骨下再加白色既FACE POWDER~

想塊面瘦D可以係腮位向上咁掃胭脂~

簡簡單單咁化妝，就算落左妝都仲係自己個LOOK!呢個係我既原則! *當然我戴返眼鏡個樣會即刻DOO左，但同我化妝無關~* 遲下我會開CATEGORY分返類，到時可以講下化妝野~HOHO~

happy halloween呀!!!!

2006-10-29T17:55:00.000+08:00

加左juno同jan既成魔之路慶下節!快聽!!!
係就係早左一日，但無法啦，聽日我又開始standby，所以都係寫左先~^^ happy halloween! 本來我都好想去ocean park玩架.... ai.... 又無我份了!!! 你地又有乜野好節目呀？我都好想出去扮鬼扮馬呀!!! 我記得我第一次去LA 時，我去左UNIVERSAL STUDIO玩，我入左裡面個鬼屋，其實都幾得人驚呀!!!我行行下.... 就痴住左前面個大肥鬼佬!!! 佢係咁係度笑，因為我叫到好鬼大聲 @@'' 但行行下我就無咁驚，我開始嚇返D鬼轉頭~~HOHOHO~我好無聊~~~ +_+
ps: 多謝吉豬既慷慨，收少好多麻雀數... 金太窮困了... 食左好好味既打邊爐餐，騮，我既胃口好返好多啦!可以去食野啦!!^_^

halloween既來源 (from yahoo)
http://hk.knowledge.yahoo.com/question/?qid=7006102004294

halloween就係萬聖節每年的10月31日是西方傳統節日萬聖節前夜（Halloween），當晚小孩會穿上化妝服，戴上面具，挨家挨戶收集榶果。節日主要流行於英語世界，如不列顛群島和北美，其次是澳大利亞和紐西蘭。萬聖節前夜英文寫作 Halloween，是 All Hallow Even 的縮寫，類似於平安夜被稱為 Christmas Eve，是指萬聖節的前夜。Hallow 來源於中古英語 halwen，與 holy 詞源很接近，在蘇格蘭和加拿大的某些區域，萬聖節仍然被稱為 All Hallow Mas，意思是在紀念所有的聖人（Hallow）那一天，要舉行的彌撒儀式（Mass）。

類似於聖誕節和復活節，萬聖節及萬聖節前夜也來自於基督教對其它宗教的節日的吸收、改造和重新詮釋。萬聖節前夜起源於不列顛凱爾特人的傳統節日，在10月的最後一天，他們相信這是夏天的終結，冬天的開始，這一天是一年的重要標誌，是最重要的節日之一，被稱為「死人之日」，或者「鬼節」。這一天各種惡鬼出沒，死去人們的靈魂也會離開身體，在世間游走，這一天的晚上也就格外危險。人們會把食物放在門口吸引有主的鬼魂靈魂，而為了嚇走邪惡的鬼魂，凱爾特人會載上面具。

當天主教傳教士登陸不列顛諸島的時候，傳教士們為了壓制這種被他們視為異端的德魯伊傳統，就把這一天之後的11月第一天定為萬聖節，紀念天主教的聖人們，希望以此打壓這些鬼怪觀念，所以說是先有鬼節，後有萬聖節。也因為這個原因，實際上萬聖節和鬼節的習俗，主要是在英倫三島和北美的前英屬殖民地，也就是美國、加拿大、澳大利亞，紐西蘭等等。其中美國的萬聖節前夜傳統最初由來自愛爾蘭和蘇格蘭的移民於19世紀傳入，而其他發達國家則於20世紀末受美國流行文化影響而開始慶祝萬聖節前夜。萬聖節前夜通常與靈異的事物聯繫起來。歐洲傳統上認為萬聖節是鬼魂世界最接近人間的時間，這傳說與中國的盂蘭節類似。美國明尼蘇達州的 Anoka 號稱是「世界萬聖節之都」，每年都舉行大型的巡遊慶祝。

傑克南瓜燈刻上趣怪樣貌

萬聖節前夜的主題是鬼怪、嚇人，以及與死亡、魔法、魔怪有關的事物。通常與萬聖節前夜拉上關係的事物有鬼魂、食屍鬼、巫婆、蝙蝠、黑貓、貓頭鷹、小妖精、殭屍、骷髏和惡魔等，還有虛構人物如吸血殭屍和科學怪人。黑色和橙色是萬聖節前夜的傳統顏色。現代萬聖節前夜的產品也大量使用紫色、綠色和紅色。秋天的元素如南瓜和稻草人等，也成為萬聖節的象徵。傑克燈是萬聖節前夜最廣為人知的象徵物。在英國和愛爾蘭，當地人原本在挖空的蕪菁中燃點蠟燭造成傑克燈，但移民到美國的人很快便採用南瓜代替，因為南瓜比較大和容易在上面雕刻圖案。不少家庭在南瓜上刻上嚇人的面容，並放在大門口的階級上，傳統上此做法是想嚇走惡魔或妖怪。

不請客就搗亂（Trick-or-treat）

萬聖節前夜的主要活動是「不請客就搗亂」（Trick-or-treat）。小孩裝扮成各種恐怖樣子，逐門逐戶按響鄰居的門鐘，大叫："Trick or Treat!"（意即不請客就搗亂），主人家（可能同樣穿著恐怖服裝）便會派出一些糖果、朱古力或是小禮物。部分家庭甚至使用聲音特效和製煙機器營造恐怖氣氛。小孩一晚取得的糖果往往以袋計，整袋整袋的搬回家。在蘇格蘭，小孩要糖果時會說：「The sky is blue, the grass is green, may we have our Halloween.」（天是藍色，地是綠色，齊來慶祝萬聖節前夜），然後以唱歌跳舞等表演來博得糖果。

改變形像!

2006-10-27T14:06:00.000+08:00

吉豬留鬚，MONKEY染青BB頭，阿靚又剪左個靚髮... BELLA都整左個負離子 .... 個個都有個新形象喎!!唔... 我都好想有個新形像，以前成日玩頭髮，但返左呢份工後，就唔可以玩得咁盡啦 .... 諗諗下，我最多只可以剪短D頭髮啦!!!!無錯啦!我想剪JOLIN呢個頭! (阿靚: 唔該放低個頭，個身就走去SHOPPING XDDD) 當然JOLIN其實係無剪頭髮，佢只係剪側邊D頭髮，後面就收埋晒D頭髮咁羅!!! 而我就真係想剪左D頭髮.... (MONKEY睇左唔好唔高興啦!!你當睇唔到JOLIN個樣，幻想金剪左呢個頭啦!^^)

個個都提醒我唔好剪左D蔭，點解呢？我無左D蔭會好核突嗎？@@'' 不過我都會聽大家既意見既... 然後就繼續我黑漆漆既髮色 (雖然貓媽想我染金，但唔興啦麻!!!!我條眉又咁粗...除非染埋條眉!!!) 參考左好多圖片，以KARY同JOLIN既頭最適合我，亦0岩我心意!!!

未諗到幾時去剪，最快就過多一個WEEK啦，因為我有4日假，可以得閒去整下頭羅!!!暫時係咁決定!!!每次剪完頭髮我心情都會好好，無論剪得好唔好，我都覺得有新開始既感覺!!

另外，今日去左睇E生了，無去YINGYING介紹0個個E生，比貓媽捉左我去睇另一個好GENTLE既E生，佢話我塊面面唔算嚴重，暫時都只會開住D抗生素我食!睇下1個WEEK之後情況會點!再唔好先要食HORMONE藥! 今朝同YINGYING係度傾SKIN既問題羅!!!我比YINGYING睇我塊面爛得最勁時既相.... 佢都嚇一跳.... 或者同我之前真係太大對比啦....我都話呢個對我黎講都係好震撼同埋好大既挑戰，因為我從來無諗過自己塊面面會出現問題... 一直都比人話我皮膚好...咁樣無啦啦生成咁，都算係好大打擊!!!

E生話我既情緒同精神好影響我塊面既進度，所以要我一定要放鬆自己.... 佢第一次見我就睇得出我有情緒問題!!!好勁呀!!!!! +_+ 可能我個樣真係好有問題啦.... 但YINGYING鼓勵我，一定會好返架!我同YINGYING約好左下個WEEK出黎好好傾下!好返之後我地一定會一齊狂食POTATO CHIPS架!!!!!!諗起都爽啦!暫時我會戒口，直到我好返為止!

其實呢排遇見D同事都有傾下大家塊面，原來有好多同事塊面都出現過問題!! (但見佢地好返之後，塊面真係好靚喎!!!!) 佢地又係睇左好多次E生，又食左好多藥... 不過食藥真係要夾人....，同埋唔可以逼得自己太緊!!!! 我會放鬆D架啦!!!放心啦!!!

認同

2006-10-26T22:26:00.000+08:00

今朝真係有想匿埋既感覺(好似阿寶咁!!!!).... 公司突然既call，要我係30mins內返到公司係無可能既!!!我未化妝，未換衫，未執野，未call taxi....0個一刻，我真係想匿埋扮唔知呀!!!!!@@ call唔到taxi，妝又未化，只好打返公司，話自己點都趕唔切!!! *大佬!我住上水架!你估住東涌咩!!!* 之後公司就調左另一班機比我，不過都係要趕，因為我落樓時，d crews已經briefing完了...我係架taxi 化妝 (支mascara又插左入眼了....) 執好個頭 (我已經習慣左用阿bon個set頭法，覺得pro d~但今朝竟然整整下，個髮簪爛左!shxt!!!!!要我用返以前個髮網...i dont like it!!!我一定會再買個新的!!!!).... 仲要不停催個的士大佬開快d.... 真係人都癲!!!

返到公司，個個都走晒，要我同其他crew上bus，再搵aircraft!我未試過咁徬徨無助!!!!我直頭覺得自己好似係孤島咁.... 上到去，個個都做晒野，ai，又要我做business class，又要economy light loading，但我地就full load! +_+ 我係米咁黑.... ？一開波我就做野做得好快，完左第一個meal service之後，阿姐係咁讚我做得快，我只係答到一句 "我好肚餓呀，可唔可以食d野呀？" 我做咁快只係為左食野，哈哈哈哈!

好彩阿姐好人..... 之後回程又係爆，我都係做得好快，走時阿姐話 "你做得好好，我會比滿分你!多謝你趕上呢班機，好開心同你飛，希望之後再有機會見面!" 0個一刻... 我就無後悔今朝趕得咁辛苦了... 其實今朝我有一刻諗過report sick ，因為我唔想咁趕... 我真係趕到個肚又痛，個頭又痛.... 但當阿姐咁認同我時，我就有左release既感覺，原來認同係咁重要!!! 阿姐見我整親手，又比dry ice灼傷左... 就同我講 "你有無睇過一個廣告，個slogan係 '無法可修飾的一對手' ？你要好好珍惜自己，知嗎？" 我有睇過0個個廣告，係影住一個農民對手，只係四十幾歲，但對手已經因為操勞過度而變晒形 (之後阿姐仲自己作 "無法可修飾的一條頸，一對腳，一條腰..."阿姐都ok無聊架!哈哈哈哈!) 不過我會記住佢所講既野，做野都要顧住自己!!

唔同連個天都唔鐘意我？

2006-10-25T19:26:00.000+08:00

望天打卦，小虎就係做緊我每日做緊既野，傻更更咁愕高個頭，眼定定咁望住個天.... *但我無將對手插入自己對鞋，唔知小虎點解咁鐘意我對鞋....*

多謝阿wing同julia既幫忙，我都盡左力了，唔會對自己無信心既，因為我有好好表現自己，可能真係唔太適合又或者對手太強羅! 遲下會去搵d parttime做住先，都係盡可能今年內走啦，所以做parttime都會試下。

好多人都問我點解咁insist要走... 唔.... 講過好多次，一來身體唔好，一飛就爛面，另外就係對間公司失望... 況且都要為自己前途著想下既... 見工時，d人都不忘問我，"點解要放棄呢份好多人夢寐以求既工作呢？" 我明白好多人都好想做，但會唔會當佢為一份long term既工呢，我可以話好多都唔諗住長做羅! 見工時我已經受過挫折，好多人唔count我地既exp., 甚至乎當我呢2年係白做...

如果in我0個個人係0係出面識我，就會同我講 "wow，你做空姐架!真係令人羨慕呀!一份好好既工作呀!!!" 但當佢in我時就會同我講 "唔... 你呢2年既工作經驗我地當係 zero，一來唔related我地個field，二來你所做既duty只係waitress" 呢d係親身既體驗，唔係講笑! 再過多幾年我真係想轉工，我相信真係好渺茫...

我仍然係向住pr/cs既方向出發.... 有時見到d工，覺得都fit，但係唔係自己想做既野，我都好猶豫... 有d不知所措既感覺.... 我又開始亂了....

**今日放左新歌，張敬軒既hurt so bad

哭了才發現自己真的受傷了
你曾對我說你永遠是我的。
為了愛情我把自己的幸福都忘了
你快樂我就快樂

也許,是我們彼此都太年輕了
總是特別容易沉溺在愛情裡
每當我再次看到身邊美麗的花火，
你已離開我我還是想對你說：

baby I love u so much, 你走了我的心在淌血
baby u hurt me so bad,想要你回到我的世界
baby I love u so much, 你給我的諾言已經瓦解
baby u hurt me so bad
只要我們都愛著無論多苦都值得說好的你怎麼忘記了

我愛我的睫毛!

2006-10-24T18:33:00.000+08:00

我既睫毛算係比較長，同埋都密!記得我細個時，幫我拍"鏗鏘集" (係呀，我係拍過兒童系列既鏗鏘集...不過我唔會話比你地知邊集!哈哈哈哈!我知你地會去中央圖書館起我底的!!!)既姐姐讚過我唔使夾都hiu既睫毛!hehe!我自己都好鐘意搽睫毛液，覺得好好玩!初初我唔敢搽，因為我試過成支掃插左落隻眼度... +_+ 但宜家搽得多，就唔會咁啦!我每似都會搽到好靚好靚先出街!我覺得眼仔精靈好吸引架!!!!!! (但我本身係鐘意單眼皮的，因為咁樣有氣質d!)

拿~比大家睇下我返工對眼化成點啦!!! 哈哈哈哈!搽左shisedo既eye shadow，用左tiffa同雞妹隻mascara~長到爆呀!!! 最緊要既係...我嘟長左個咀，塊面即刻瘦左!hohohoho!

生日快樂哦!!騮!

2006-10-24T18:26:00.000+08:00

尋晚本來諗住唱生日歌比你聽，但係我又比人捉左去飛，所以只好sms你羅!!!哈哈!!你鐘意既，我再唱比你聽都得既!!今日真係好累好累...希望你生日過得開心!之後都順順利利啦!!!

for 騮 - i turn to you

2006-10-23T12:23:00.000+08:00

有諗過自己錄呢首歌比你聽... 但又驚唱得唔好，下次唱k時唱比你聽~我本來諗住錄好就放係你張bday card度架... 最後發覺自己無呢個膽量 +_+ 無鬼用..... 你可以download黎聽，或者開住我個music player聽下啦!下面係lyrics~我一直好鐘意既歌黎架!好有意思的! (人地唔知，會以為我同你拍拖咁羅 +_+ 當然我知你好想我係男仔....hohoho)

I Turn To You
When I'm lost in the rain
In your eyes I know I'll find the light to light my way
And when I'm scared and losing ground
When my world is going crazy, you can turn it all around
And when I'm down you're there; pushing me to the top
You're always there; giving me all you've got

For a shield from the storm;
For a friend; for a love
To keep me safe and warm,
I turn to you.
For the strength to be strong
For the will to carry on
For everything you do
For everything that's true,
I turn to you

When I lose my will to win,
I just reach for you and I can reach the sky again.
I can do anything,
'Cause your love is so amazing; 'cause your love inspires me.
And when I need a friend, you're always on my side;
Giving me faith that gets me through the night.

For a shield from the storm
For a friend; for a love
To keep me safe and warm
I turn to you.
For the strength to be strong
For the will to carry on
For everything you do
I turn to you.

For the arms to be my shelter through all the rain;
For truth that will never change;
For someone to lean on;
for a heart I can rely on through anything;
For that one who I can run to....
I turn to you.

For a shield from the storm;
For a friend; for a love
To keep me safe and warm,
I turn to you.
For the strength to be strong;
For the will to carry on;
For everything you do;
For everything that's true,
I turn to you.
For a shield from the storm;
For a friend; for a love
To keep me safe and warm,
I turn to you.
For the strength to be strong;
For the will to carry on;
For everything you do;
For everything that's true
For everything you do;
For everything that's true,
I turn to you

http://www3.uploadengine.com/getfile.php?file=1161577405AE604.mp3

騮，希望你開心哦!

2006-10-22T21:10:00.000+08:00

終於都完滿左食DINNER + 去飲野既B-DAY CELEBRATION啦!希望騮滿意同開心啦!今次我都係臨時臨急先可以幫到手，但都比到騮一個機會去試下做攪手，做攪手真係唔容易呢!係嗎？份禮物我自己唔多滿意架，奈何真係時間有限羅!!!我會教你點用，你可以避過D閃粉既 "雖然我覺得真係好靚，但我知你唔鐘意~* 今年冬天，再整個特別既禮物送比你，當補數啦。

人算齊齊地啦，騮身邊最要好既朋友都有出席吧!DINNER既時間，始乎變左SANDTILE既聚會咁!好耐無見過以前d同事，感覺都幾特別!大家都好似無乜點改變哦! 吉豬成日都見到，當然唔覺得佢變!阿強既靚靚女友確實幾靚，算佢有福啦!!! joyce睇落都精精神神，應該生活得唔錯哦，時時都有得去旅行，如果我有餘錢就好了...好羨慕... 好耐好耐無見既娜娜靚女左!轉左新工真係唔同晒!!!成個感覺都係開心架!!!! ryan我都好耐無見，一見到我就不停講返工野，其實有時relax d~我地可以有好多話題架!!!!!邊食飯邊不停玩層層疊同埋uno，原來我地玩層層疊玩得好勁架!!!!玩到好高都唔跌!!!!! 開開心心咁食左3個鐘，最後以唔好食既dessert作為結尾~

之後就係去飲野啦，難得可以羅到個平價!多謝winking帶左d好好既朋友上黎!!!!師姐好玩得好好笑呀!!!但佢家姐竟然問louis羅電話...+_+點解會咁架!!!!阿fung好好玩!完全唔似半個機師羅!!!超攪笑呀佢!亦好多謝julia同埋阿joe既賞面呀!!!*上到去我係咁掛住講自己野，哈哈!阿joe應該又對我了解多左啦!!!無錯，我同julia都係傻架!!!哈哈哈哈!* jason好快就醉左...佢女朋友勁羅，成晚撞開我同埋踩我隻腳... =_= 隻狼好乖咁幫我照顧騮，算佢啦!

不過騮就唔聽話，搏命飲，見係騮生日，我先忍住無欄佢!飲到癲!比騮試到high既感覺，係，high真係唔錯架!但過幾日胃痛就知死!!!!一次半次就算數啦!!!尋晚D旦散無乜做衰野，所以可以安心飲野羅!最唔好就係無NUTS食羅，因為我地個個都慣左要食住野飲架麻!成晚我都好肚餓呀!!!多謝阿SHUM施捨左D野食比我地呀!哈哈哈哈!!! 飲到3點鐘就走人，好唔放心咁比騮自己一個搭的士離開，不過我知吉豬會接佢!

唔~咁又大一歲啦!下年我自己生日，我都無乜心機攪，我諗開開心心食餐好就足夠了!或者去下離島BBQ都唔錯呀!!^^ 仲有幾日先到騮既生日，到時我會再唱生日歌比騮聽!!!

p.s. 靚相會好快post出黎，等下啦!

發夢....

2006-10-20T08:44:00.000+08:00

右面盒chocolate係媽咪尋日買比我食~另外仲有車厘茄~hohoho~好多野食，正呀!!!!

你地平時訓覺呢，多唔多發夢呀？我尋晚又發左個夢，(其實我晚晚都會發夢，醒左之後多數都會記得，而我大部份既夢都係惡夢~)見到自己同其他人開左一間"wellcome"，我地係度執間鋪同埋將d貨上架! +_+ 無啦啦發埋d奇怪既夢... 我係個夢裡面同隻"狼" kiss左一下，咁我就醒左了... +_+ 好無聊....

我發惡夢其實都發到慣晒，我細細個就已經成日發惡夢，其實唔多唔少多得我阿哥，成日要我同佢睇鬼片，睇得多，好多情節場面都入晒腦，想發夢見唔返佢地都幾難~最常發既就係比鬼追啦~試過有排成日比鬼追，之後同過阿靚講呢件事，0個時阿靚話: 你下次發夢見到佢地，就停落黎，唔好跑，同佢地講 "你地追左咁多晚都支力啦，不如大家都抖下啦!".... 不過我發夢時都係忘記呢回事，仍然係不停咁跑.... 我又試過發夢見到小學教我英文既miss變左做吸血鬼追住我黎咬 -_- .... 又試過發夢比黑社會追斬，我仲爬左上去d竹棚上面 (好成龍大哥架!!!)，又試過發夢見到自己參加自己既葬禮, 林林種種....我真係都好記得....

好既夢都唔係話無發過...不過真係好少...我最記得就係中一0個年，有一晚我發夢見到leon餵我食牛腩米，勁開心唔想醒!由0個日開始，我就好鐘意食牛腩米 *之前我係唔食牛腩的!* .... 得啦，我知你地話緊我無聊啦....

聽講話女仔發既夢係彩色，男仔發既夢係黑白色，但我問過d男仔，好多都係話彩色喎~~有d人話夢其實係預言既一種，但我就覺得係身體既一個signal.... 只係我未識得解....

空姐過既日子...

2006-10-18T22:28:00.000+08:00

諗下諗下，近年都好多空姐出書，講下我地平時既生活，工作既情況咁(我自己都買左幾本黎睇，有興趣就問我借黎睇啦，唔使徙錢埋，NOT WORTHY~)，其實我一直都有係度同大家分享既，不過我就支離破碎D...不過我唔打算係度長篇大論... 我覺得咁樣好悶...只係講，我尋日飛個TAIPEI OVERNIGHT，又整爆左隻指甲，撞瘀隻手，同埋憾瘀左隻腳趾公... 我見到自己隻手... 已經唔識痛了，將隻手伸比愛貓寶姐，佢舔了一舔 "妖!唔食得又伸埋黎" 我知佢一定係咁講....

今日多謝JULIA相伴，I MISS U.

氣餒

2006-10-17T09:05:00.000+08:00

呢排都係比心機搵工，但都係聲都唔聲下，cv就sent左，但係就無電話打黎叫我in... 呢幾日我已經輕鬆一d，唔逼自己日日send send send，唔想不停refresh jobsdb0個page... 或者都因為搵左一段時間，但無乜進展，所以開始懷疑自己既實力，開始對自己無信心... 又開始質疑自己係米高估自己，係米我唔適合某d行業.... 好灰...

多謝幫助過我既朋友，多謝你地為我尋找機會!

你今日笑左未呀？

2006-10-16T09:28:00.000+08:00

努力咁睇緊"人性的弱點" 實在太好睇!!!不過要應用出黎就真係要花d時間改變左自己既陋習先!!!尋日睇到其中一篇就係要微笑!!!!

有時都會覺得自己笑少左....諗返自己成日都會掛住笑臉既時間應該係追溯到小學時，0個時我每一日都係笑既!仲要係笑得好開心~ (可能真係生活得太開心，又無煩惱~)諗諗下，0個時真係好受歡迎架喎我....哈哈...好多好多人黎主動同我做朋友，無乜邊個老師唔識得我，校長會同我傾計飲茶...唔知關唔關我成日笑事呢？就算係出校比賽，我都係笑容滿面，唔係諗住自己贏緊，而係諗住快d比賽完收工!

宜家開工都要成日笑... 唔笑就會比人話...所以確實笑得有d牽強...有時仲會笑到塊面"緊"左，回復唔到正常....真係試過有面抽筋既情況，無疑我好多時都會發自內心咁笑，尤其係我遇到有禮貌懂得尊重人既乘客或者同事，我都會笑得好燦爛同誠懇... 但不諱言，有時遇到d "western people" (我地叫既 "西人"就比非指西方國家既人，你地應該明我講乜~XD) 真係只好戴住面具 "笑" 下羅...

不過本書講得0岩既，無人鐘意見到口黑面黑既人，有時真係要提下自己RELAX下笑下!笑既人令人覺得易相處，溫柔，吸引! (如果好靚女，但黑口黑面，我會扣晒分耶....但如果唔靚女，但笑容可愛，我會走去搭訕~~HEY，我係ALWAYS搭訕女仔架啦~~HOHO~) 雖然我唔認同本書話 "你要逼自己開心，咁最後你就會開心" ，因為我覺得有時真係越逼越唔開心... 但如果可以放鬆D，笑多D，我覺得唔難做呀! 平時我落街都會同保安講HELLO~返工亦都係一樣，自己一個行街時如果不停笑可能異相D~ 但同人對望時不妨笑下~ SMILE~~ 將平時繃緊左既面部鬆弛下吧!!! 我相信微笑既力量!就由今日開始! SMILE!!!

**睇見小虎跳入個WELLCOME袋，我真係笑左好耐~~XD 尋日我去探小虎時比佢毀左容，但見佢傻下傻下個樣...算啦，我原諒你啦!! ^3^**

鐘情....

2006-10-13T18:31:00.000+08:00

對於某d野，我有一定既鐘情
屬於長情0個隻...
阿哥好唔明白...成日問我 "我唔明你點解可以一隻game玩左十幾年!"
點解唔可以？
雖然玩左好多次，但我好鐘意玩0個時既感覺...
就算宜家玩返，我都有十幾年前既感覺喎....
+_+ 唔好以為我好老，只係我好細個就打機...

手上仍然玩過不停既game有...
princess maker, 明星志願, 三國志(全部都係由第一集開始玩的!!!)
就算係以前玩過既game，我耐唔時都會羅返出黎玩...
所以d age of empire呀, alone in the dark呀，街霸呀，doom全部係度...
有時都會買d新game返黎...
但對舊game既寵愛我係一直不變....
我就係咁...我好鐘意一樣野就會一直都好鐘意...

sleepless in seatle我睇左n咁多次，阿bon問"乜真係好睇咩？"
我話 "係呀，每次睇返我都係覺得咁好睇喎!!"
呢個時候就不得不串下阿哥 "點解你睇n咁多次周星馳，你都笑得出？!"
米就係鐘意0個種感覺羅...
可能我十幾年既taste都無乜變過...

對人，又可唔可以又呢份鐘情呢？
可以!...但如果你再無左0個種感覺... 就會唔再鐘情....
死物反而可以比到長久既感覺...
點解人反而唔得....
因為死物唔會改變.... 改變既只會係人....
就正如我細個時好鐘意leon，宜家我都鐘意，但已經唔再係0個種"癲"既鐘意...

事事都計較，點會開心？

2006-10-13T16:58:00.000+08:00

尋日飛去SINGAPORE同埋BANGKOK (STAY BANGKOK)，我仍然係做BUSINESS CLASS (都做左好多次了..) 今次正，遇到個超級鐘意COMPLAIN既紫姐 (SENIOR PURSER) BRIEFING時已經話J1 見BLOUSE巢 (其實唔係好巢羅!)，講完呢句之後仲要笑笑口話: DON'T WORRY DEAR, I AM VERY EASY TO WORK WITH! 哈哈，佢講完呢句之後我就知佢一定唔EASY WORK WITH羅!!!

上到機呀... 呢樣又話做得唔好，0個樣又唔滿意喎...不停EE OR OR! 真係乜都OR羅!! OR 到我，J1，J3都開始火火地... 我地J唔FULL，但要出3個TROLLEY？WHAT'S THE POINT OF THIS? 點解唔OVERLAP？ANYWAY佢係阿姐佢話晒啦!我地照做羅... 出左幾個SERVICE之後，佢無啦啦走入GALLEY鬧我紅姐 (PURSER)

PURPLE : "DO YOU KNOW U SHOULD PUT THE WINE CLOTH IN MY TROLLEY? SUPPOSE U SHOULD DO IT~!IT IS BLACK AND WHITE!"

哈哈!罵戰就此開始!!

我紅姐好型咁話 "U ARE TALKING ABOUT BLACK AND WHITE TO ME? I KNOW WHAT IS BLACK AND WHITE AND I KNOW WHAT I AM DOING!U HAVE ALREADY WENT OUT FEW TIMES TO THE CABIN, AND U NOW NOTICED U DONT HAVE THE WINE CLOTH? THE TROLLY IS YOURS! U ARE THE ONE TO CHECK IT BEFORE U GO OUT!"

PURPLE: " U KNOW WHAT IS BLACK AND WHITE THEN U SHOULD DO IT!"

RED: "DONT TELL ME BLACK AND WHITE! U ARE ASKING THE PURSER TO DO ALL THE THING FOR U? WHAT IS TEAM WORK?"

PURPLE: (黑面) "OR U WANT ME TO BE THE FP AND U DO THE SP'S JOB?"

RED: "IT'S FINE IF U LIKE TO!"

當然最後無啦!!!但佢地企係DOOR 1 鬧左好耐呀!!!!我覺實係幫我紅姐，因為紫姐同人講野既態度係極差羅!!! 話親我地都話BLACK AND WHITE!佢只個0岩0岩新升既SP，就咁樣，比佢做到ISM我地仲有命？我紅姐係做野超快既人，又勤力，我完全唔覺得佢有乜野問題....就算SP想佢擺返個WINE CLOTH，都應該有禮貌D，佢地既資歷其實差唔多架咋!!!! 最後呢單野鬧到成TEAM人都知，老總就同SP講，如果佢令到成個GALLEY既人唔開心，咁就代表佢既FAIL!不過佢無因為咁樣就少左COMPLAIN，仍然後樣樣野都唔滿意，之後既時間，無一個人同佢講野羅!好唔明白佢點解要咁樣令自己同人地都咁唔開心!! 有D乜野都可以開心見誠講呀! 唔通升左SP就可以目中無人？佢連我地點樣斟水都話一餐... 又叫我地唔好係GALLEY搽LIPSTICK，又話乜又話物....好彩同佢飛SHORT FLIGHT，如果同佢飛LONG HAUL我仲唔死.... 佢到最後返到HK，都要話我同J1無收晒D HEADSET，仲要MAKE PUBLIC ANNOUNCEMENT叫我地去COLLECT多一次...0個一刻我真係知，佢一定好短命...唔係我咒佢...而係佢太計較，太鐘意COMPLAIN，太鐘意睇人地唔好既一面..

我尋晚係HOTEL睇"人性的弱點" (http://ykn.hkcampus.net/~ykn-lbry/tb_a14.htm) 其中一篇就講，要多D睇人地好既一面，批評人之前要易地而處... 我追睇緊既係EBOOK~哈哈~ 真係好好睇~ 一邊睇我就係度諗... 呢個SP應該無乜朋友，因為佢唔識欣賞其他人.... 努力去睇人性的弱點，我希望自己唔好做一D對自己對人地都無好處既野.... 知道自己既弱點，起碼令我更識得點樣去體諒其他人...

PS: 今日回程時，同阿MAY飛，哈哈，兩個係咁講自己點樣爛面... 講得好開心.. +_+

~我家的寶~

2006-10-11T21:28:00.000+08:00

有時會係度諗，阿寶究竟生活得點樣呢？佢會唔會覺得好悶好無聊呢？
佢開唔開心呢？鐘唔鐘意我呢個奴才呢？
唔知阿寶係度諗乜....

佢越大就越鐘意訓覺
以前都會撩下我地玩~
宜家呢，係我地求佢同我地玩...

話佢好曳咩？都唔算既~
相比係佢細個時，同埋相比小虎，佢已經算乖左!
以前佢好鐘意跳黎跳去，會跳上櫃頂訓覺...
但自己又落唔返黎!!! 要我爬上去捉佢!
*宜家佢已經跳唔到上去!因為肥左!*
會偷下野食羅，整LUM晒我D野羅!
叫佢行東就行西~
同親佢講野就會瞇埋眼!
鐘意飲坑渠水同咬膠袋~
無野食時會"訂"碗!
夜晚鐘意爬上樓梯，再由高處跳落，降落係我個肚上!
要我起身時會不停妙，不停咬我腳趾，不停舔我個鼻 OR 兜巴星我!
磨爪磨爛左個SOFA，4年都唔敢買新SOFA..
係我阿媽面前扮乖，我阿媽一走開佢就惡形惡相!
我拖地時佢會跟住我個地拖...留下腳印一隻隻
一換好貓砂就即刻開大!
一開完大就即刻妙我叫我執!
我執完之後佢會CHECK，發現唔乾淨會再妙!
換左床單就要訓我張床!
經常訓我枕頭...又推我埋牆訓...
夏天要開冷氣，冬天要開暖爐，否則黑面!
唔滿意時會 "藐" 人，真係識 "藐咀"的!!!
要食生鮮蝦，雪藏既一定唔食!
貓糧不能夠永遠一樣味，不定時換貓糧!
有仇必報，若然未報，時辰未到!
梳毛，剪毛，沖涼後必發脾四!
每日都要同佢鼻碰鼻 *我同阿寶既KISS方式!*
唔....哈哈，我好似係度數緊阿寶~~~^^

不過我真係好愛阿寶的~有時都會諗如果初初唔同佢DESEX
比佢生D小寶寶出黎都幾好~~可能阿寶會乖D~
唔... 但係因為阿寶無生過BB，所以我地成日都當佢仲係BB~
連佢自己都好似長唔大咁~! *計貓齡，阿寶同我差唔多大架啦!*
萬千寵愛在一身既阿寶~

阿寶等食記

2006-10-11T15:35:00.000+08:00

阿寶: 好肚餓呀....點解個兜無糧架？糧草未到，軍心不穩喎!

阿寶: 喂!阿邊個，幫我加d糧呀，快馬!!!!

阿寶: 係米要到我變種做長頸貓，你地先羅野比我食呀!!!!!! .\ /.

阿寶: ZZzzzzzzz (等到訓左都無人理佢.....)

後記: 唔好以為佢真係會等，係佢扮訓唔夠1min之後，佢已經擔起個兜，起勢係度"釘" 個兜 .... 一無野食佢就會發脾四!!如果 "頂" 兜都無人理佢，佢就會求其搵隻腳起勢咬!

終於加左MUSIC PLAYER!

2006-10-10T22:14:00.000+08:00

一直都搵唔到合心水既MUSIC PLAYER，見到SIDEKICK用緊0個個好得意，今日試左!真係超好用!除左可以加SONGS，仲可以加相同埋MOVIE!合晒我心意!!!我特登揀個細D既界面，因為咁樣CUTIE D~亦都慳位D~有需要時又可以CLICK個ENLARGED版出黎!!!

用法好簡單，想聽MUSIC就CLICK個音符，想睇MOVIE就CLICK個CAMERA，想睇相就CLICK PHOTOS羅!! 暫時我都UPDATE左10首歌啦，幾張相，同埋2個阿寶既MOVIE + 3個安室既MOVIE，大家可以試下CLICK黎聽下睇下啦! (可以REV同FWD架!亦都可以打開個LIST *最左0個個MENUS*黎睇下揀邊首/張/隻 MEDIA 欣賞~~)

以後就算唔係屋企，係出面都可以開住我個BLOG，聽下歌羅~~*係度SELL緊自己個BLOG~HOHO~*我會定期加返D新歌落去~阿BON話可以UPDATE下佢喎!當然我加左歌/相/MOVIE會話比大家知既~

今日整到呢個野，令我幾開心~ 我加左一受我以前歌唱比賽既歌，就係劉小慧既離別太陽西沉時!(大家留意下啦!)0個年我都羅第四架~~哈哈~D人話我把聲好似劉小慧，其實我自己唔太覺，家下都無比過人地話我似，可能0個時聽太多佢既歌，唔多唔少都模仿左佢呀!!

PS希望我同騮都快D好返啦....2個都變左男人聲了....

雨過天晴未...

2006-10-09T12:16:00.000+08:00

呢2晚發左好多好多個夢，全部都係好怪既夢... 發到個人都好支力呢.. 發到個人都有d迷惘添... 其實我真係好討厭軟弱既自己... 好討厭控制唔到自己既感覺... 所以好唔明白點解d人去吸毒...我討厭連自我控制既能力都無....

仍然係感冒中，不過已經咳少左好多，唔想再係個blog度話自己病，好厭。

又多個fd離開cx了，係呢期既第4個了... 有時真係需要一個機會需要一點運氣吧... 我就係度等緊... 慢慢知道我急都無用... 唔想為自己同身邊既人加添壓力了。見步行步啦...

中秋節快樂!!

2006-10-07T19:20:00.000+08:00

遲左出post係因為尋晚去左打麻雀~哈哈~~大家過左一個點樣既中秋節呢？我就一如過往，食住貓媽煮既好味應節野食~一家人一齊係屋企做節咁羅!!!不過因為又再病過 *感冒* ，所以有d野都唔食得~就連我好鐘意食既月餅都食得好少! (以前我閒閒地一個人食3個月餅面不改容!) 今年呢個食月餅重任我交左比我阿哥!hohoho!肥死佢啦!!!!咁食法!!

不過宜家既中秋節無以前咁中秋節lu~以前我係房望落樓下，會有好多好多閃閃既火光!我好記得，中秋前一個week，我地就會晚晚落街玩!!直頭當左過新年咁架!!!我會跟住阿哥去煲臘架~好好玩!!! 同埋我由細到大都鐘意紙既燈籠~所以好少羅個電既落街玩!我覺得玩電既燈籠好無聊! 細個既小慧都既恐怖，我會玩燒蝸牛的....+_+ 變態小慧呢~hoho~我細個時捉過好多蝸牛養架，我會比好多菜佢地食架!!!!

講到最romantic就不得不講我靚仔阿爸!每年佢都會用個西柚整個燈籠比我，放係廳度!整得好靚好靚~lum死佢個女羅~hoho~放支蠟燭係中間，熄晒屋企d燈，望住個燈籠....超romantic!!!! ^o^

今日係八月十六追月，亦係我靚爸生日~生日快樂我最愛既爸爸~~~hennessy vsop已經到左靚爸手上~~飲勝!!!

尋晚打麻雀呢，我輸到暈~多謝嬲同winking唔收錢...但我覺得咁樣唔好羅!下次唔好再係咁~你地呢d出黎搵食架麻!點可以咁樣就我呢？!~ 我個鼻係咁嘈住你地打牌，我好唔好意思呀!!! 不過見到阿嬲食13么，真係好勁...我第一次見的耶!!!真係神呀!!!!我呢d魚腩步隊....如果kelly出埋黎，我可能輸埋條命.... 尋晚我既狀態實在太差，但已經1個月無見嬲... 所以我唔想放棄呢個機會，今個月我太多未知之數，所以比你地見到我個病樣，無化妝既樣都無所謂啦!!不過winking話我肥左...佢係米好耐無見過我呢...個個都話我瘦左喎....

今日呢，本來話好同derrick佢地去yingying度bbq，不過我又唔爭氣，咳到甩肺，所以又無得去，我好掛住你地架。今個月我...個.... roster.... 真係唔識講... 希望我逃出生天之後再逐個約返晒你地呀，你地要等我呀，小慧真心架!!!!

ps: 因為太懶，所以無影我d qoo 燈籠比大家睇~係大家樂既qoo燈籠呀!好得意架!!我有時間一定會影比你地睇架!!!應承你地!!!!好啦，我要抖下啦!!!!

好好笑!!講我地!!!

2006-10-06T00:51:00.000+08:00

係我地個同事寫既
阿BON SENT比我睇
真係好好笑
又講中我心聲

http://www.xanga.com/CXsucks/523214015/when-flying-with-cafe-pathetic-airways.html

豬年戀愛運

2006-10-05T14:11:00.000+08:00

豬年戀愛運 : 12生肖流年運程【雞　無風無浪】(JUST RAED THE PURPLE BOLD WORDS ARE FINE)

戀運第 9 位出生年份： 1933 、 1945 、 1957 、 1969 、 1981 、 1993

今年有貴人相助，但無桃花、無相合、無相沖，愛情原地踏步，風平浪靜。愛情性格　溝死女天性積極、進取、富正義感，注重生活享受，善於表達兼健談，肯為博情人歡心而費盡心思，所以雞雞通常受異性注意。

雞仔是桃花星，追女高手。愛情觀講求男女平等自由，認為情侶應互相尊重，但仍然可以各自精采。喜歡運動型兼性格開朗的女性，故多與童年玩伴、同學交往，容易早婚早添丁。雞仔雖惹桃花，但有定力，不花心。

雞女作風大膽，有男子氣概，喜歡採取主動。愛打扮，總走在時代尖端，極受異性歡迎，缺點是不能受束縛，但仍然是個顧家的好太太。好情人指數： ☆ ☆ ☆ ☆ ☆ （ 5 ☆ 爆燈！）

愛情運　原地踏步肖雞今年無桃花、無相刑、無相沖、無相合，亦無犯太歲，綜合蘇民峰、麥玲玲同楊天命三位師傅所言， 肖雞今年忙於開創事業，愛情運平穩，完全無任何驚喜或波折，原地踏步 。總括而言，感情雖然平淡，但尚算愉快。正好用來重修去年太歲相沖，常為小事爭吵而失落的感情。因今年有「八座」喜星，地位有所提升，工務繁忙，單身肖雞者可全心投入工作，或趁單身自由時間，多點進修，為未來鋪路。

宜：西北插花今年感情平穩，若想愛得更甜，今年可於西北是非位放 9 枝玫瑰化煞。

忌：唔返屋企今年事業勁忙，切忌晚晚應酬陪老細而冷落情人。

蘇民峰　 3 ， 5 ， 11 有桃花今年肖雞不論已婚、有情人定單身，都看不見任何變化。唯一要留意農曆十月夫妻位相沖月，感情容易不穩，會突然來一段感情，或走一段感情，單身的當然無所謂，但有情人的則要小心。而單身肖雞者想找對象，要把握農曆三、五、十一這三個桃花月，說不定可以遇上今年的桃花生肖（龍、鼠、狗），成為它們的桃花。想催旺桃花運，肖雞可佩帶馬形飾物，或在家中正南方放一個馬形擺設。催情潮物必用金肖雞平日多用五行屬金之物，可催旺愛情運，即顏色為金、銀或白色，金屬或用反光質料製均可。

麥玲玲　下半年有機今年整體運程已較去年理想，感情沒有大波折。但由於肖雞今年專注事業，容易冷落伴侶，為免影響雙方感情，應善加分配時間，多抽時間與情人溝通，免得對方胡思亂想。單身肖雞者可望在職場認識對象，但上半出現的只屬假桃花，下半年出現的才較實在。另有「破碎」凶星，有感情轉淡之象，緊記與情人多溝通，或與情人一同進修，增加溝通機會。

楊天命　家無寧日肖雞今年感情生活平淡，已有伴侶的要留意「破碎」凶星象徵「六親欠和」， 宜小心處理家事和感情 ，以免發生不必要風波。

33 年出生：享受退休今年權力名氣提升，但對已屆七十四的你並無用，不如跟老伴好好享受閒暇的退休生活。

45 年出生：多陪老伴雖然已經退休，但今年仍有發展機會，故熱、平命人可趁這大水之年運程較佳作最後努力。相反，寒命人運程一般，不如留在家中多陪伴情人享天倫。

57 年出生：無時間愛今年為思想學習投資年，有很多新發展機會，以致無暇談情說愛，冷落伴侶。

69 年出生：關係疏離今年為辛苦個人力量得財年，跟 57 年生一樣，忙到不可開交，與情人、家庭關係少不免疏離。

81 年出生：夜蒲交友今年有貴人、長輩、上司提攜，個人無甚進取之心，做事總提不起勁來。難得偷得浮生半日閒，趁機多外出遊玩，或者可以遇到合適對象。

93 年出生：純粹單戀14 歲的女性可望於今年遇到心儀對象，但不一定能發展下去。

曬太陽

2006-10-04T21:50:00.000+08:00

前2日羅左D MCDULL同QOO出黎洗，家下佢地都好乾淨啦!!!其實我張床都OK多公仔... 都係MCDULL 同QOO 同貓仲有D雞呀鴨呀羊呀咁.... 每次我要換床單都執好耐...

羅左D MCDULL同QOO曬左成日太陽~~~感覺係~~我要同陽光玩遊戲呀~哈哈哈哈!其實我都好想去曬下，但係因為生瘡瘡既關係，所以唔太適宜曬太陽... 希望塊面面快D好返，我想去行山同晒下太陽!!!

我愛自然~yeah~

2006-10-04T08:47:00.000+08:00

復工既第一日，去左胡志明市，繼續做BUSINESS CLASS 。一返去就見到BELLA，超開心呢!!我病之後都無見過BELLA呢，佢一見到我就大叫羅!!!我地仲係TOILET玩水=_= 不過唔知係米我D邪氣未過，返到去又撞到SHARONA +_+ WHY ALWAYS ME (阿靚，就係上次我同你行MK見到0個個...) 睇黎真係要去作個福先得!

今程個阿姐超好(malaysian)~又靚~成日都癡住我~~我行去ey幫下手又話掛住我~~勁攪笑!又要比email我又話keep in touch~我呀同佢撞埋一齊，整瀉晒d drinks，然後大家都企係cabin度笑... (阿哥就黑晒面~哈哈)阿姐同我都無嬲對方，各自執好晒d野羅~~hoho，阿姐仲要話 "我地超冷靜!!!d野瀉晒0個一刻2個都靜晒!" 有d同呢個阿姐好close既感覺 (好似我初初遇到mary一樣呀~~突然好掛住mary呀~~)

今朝起身又要再STANDBY，尋晚12點幾先返到黎，家下又要再黎過...聽日已經比左早機我架啦 ... 真係大挑戰... 我呀，好似感冒呀，尋日打HAT CHI打到家下，仲要喉嚨好痛，但我唔比自己再睇E生了，食藥食到怕，我會試下自己病好返!!哈哈哈!係咁不停飲水羅!呢個係我個策略!!!

呢排可能因為SKIN PROBLEM，我都無幾何會化妝，反而鐘意左呢鐘素顏既感覺呀!!!鐘意自己唔化妝既樣係米等於鐘意原原本本無添加既自己呢？其實少少修飾係唔錯 (AT LEAST我無戴眼鏡先啦!哈哈!同埋只搽左LIP GLOSS) 呢D天氣塊面又唔會太油太乾，好舒服!雖然我仲係好多粒粒....但感覺還可以喎!!所以都應該會少D化妝，慢慢啖出我個空姐FEELING先得羅!以前我都無乜化妝架啦!米又係咁!!!其實最緊要遮下D印，我就OK架啦!!!你睇我同小虎，都係咁NATURAL!!

**好野!ELLA出左ALBUM啦!!!煲緊啦!!!!雖然佢個IMAGE真係姣姣地，但佢D衫好靚羅!同埋D歌真係唔差架!!!!!**

中毒前的幾個鐘

2006-10-02T21:13:00.000+08:00

就係食左lulu呢餐 free dinner，返去我就中左毒，都未試過咁慘... lulu，你下次要請我食貴既野，咁樣對我既身體先會好!!唔好再請我食平野啦!知嗎？

好難得，影左唔係情慾既相呀!哈哈哈哈!!!

呢幾日我已經好返好多啦，今日已經正常飲食!!個人都精神左好多呀!大家放心啦!!!聽日又會正常地standby啦!乜都好!我都會係咁去架啦...最緊要快d有工in就得啦!!!

知道joyce同欣欣都離開左cx...其實我好depress...又2個fds走左了...當然我開心佢地搵到唔錯既工，我好希望佢地新工作做得開心順利呀!!!我會好頭好尾咁做落去，比心機send 信出去，始終我都會成功!!! 見到阿靚既決心，令我更加覺得自己唔可以軟弱!要撐落去!!!!

或者今次病一病，就更加覺得我要係我有力做既時候盡力做落去!無論係搵工定係0係cx餘下既日子，我都會!盡我既力做落去!!!我有自己既目標!無野可以阻礙我!!!!有時唔可以太相信命運，有d野係要自己爭取返黎!!(但多謝阿bon幫我睇來年運程呀~哈哈~麥玲玲~)

算我的名~

2006-10-02T10:55:00.000+08:00

http://sunfate.fate.yam.com/freename/freename.asp

格局基本分析 ?
這姓名的天格17劃，是一種屬吉的剛強數，而人格為31劃屬吉的共鳴數，至於地格則為25劃屬吉的希望數，如此這天地人三才加上外格，與總格的五行演化，將造成使用這姓名有下列特色：
你的個性特質?
■
積極進取，企圖心強
■
謙虛仁慈，待人誠懇
■
外表堅強，內心脆弱
個性結論這是一個容易造成當事者【堅強上進】的姓名在【命宮】評等為上吉，太棒囉！

你的愛情魅力?
■
妳欣賞懂得營造生活情趣的男性。
■
對方的幽默開朗，最令妳著迷。
■
對方女人緣頗佳，最令妳困擾。
愛情結論此姓名在愛情容易有【風趣樂觀】的特色，顯現專業評等為吉，不錯喲！

你的求財特色?
■
積極上進，自許甚高
■
按步就班，一板一眼
■
堅持原則，不善變通
財富結論對財富的追求，這姓名容易使當事人有【奮發向上】的感覺，所以在財富宮評等為大吉，太棒囉！

你的事業衝勁?
■
待人厚道，值得信任
■
處世寬容，淡泊名利
■
消極被動，逃避責任
事業結論對事業的追求，這姓名容易使當事人有【謙卑和善】的感覺，所以在事業宮評等為吉，不錯喲！

八句女人最憎的說話

2006-09-30T21:37:00.000+08:00

1?你咪咁小器啦！

女人點解憎：小器是女人擁有但又不想認擁有的特質，你明寸佢？等開拖吧！男人說這句話時通常笑笑口，點解？因為知女人唔岩聽？明知不應說但堅持說出來，就是撩交嗌？男人說這話前通常已說完「嬲完未呀？」、「唔好嬲啦？」之類的話，但游說不果；唔識?人就賴人小器，屙屎唔出賴地硬！即係話我唔應該嬲者？女人發嬲一定有佢道理，男人駁嘴即係話我螿不講理，作死！

建議：要女人唔嬲，真的惟有等她自己嬲完，但不等於什麼都不做，男人最好做點事來縮短過程，愈拖只會愈難TUM 基本上連個嬲字都不能提，女人好憎呢個字，唔嬲都變嬲！告訴你，叫女人唔好嬲，佢嬲得仲勁！女人在小器、嬲爆爆，男人TUM佢盞晒;氣！要軟化女人從身體入手，抱抱或緊握她手吧！

2?對唔住囉！(同類說話：我唔岩;囉、我衰囉、我錯囉)

女人點解憎：「囉」什麼？晦氣到死！>>最討厭是加個「咁」字在前頭，「咁對唔住囉？」，一個「」咁字包含了「我唔覺得自己錯但買你怕囉」這十二個字的意思，明激我啦！男人說時通常皺眉頭、眼神厭倦，擺明在說「你又來了」，乜我好難頂咩？

建議用口去表示歉意是低層次的做法，倒不如用行動表示。唔該比D性格，唔覺得自己錯的話，老虎蟹都唔認錯！唔該比D風範，道欺最緊要誠意

3?鍾意嗎？我送比你Y！

女人點解憎: 因為得個講字，男人總以為講左就等於買左，毋需真的買！見我雙眼發晒光仲問，你盲架？要我用把口去講我鍾意，即係要我認貪心！

建議講得出就要做得到！一定要趁熱買，一拖，女人又話你無誠意！立即在她面前付款是最方便的做法，但女人最憎呢種方便，唔浪漫。男人總係唔識送禮物，以為買左然後交過去就大功告成！其實送禮物最重要是點樣交到對方手上，即係心思、驚喜

4?使唔使幫你？(同類說話：使唔使車你、使唔使幫你拎？)

女人點解憎: 廢話！問來幹麼？答得你我都做完！

建議女人最憎男人「齋TALKING 」，唔聲唔聲做左先才是英雄做多無壞，即使自己搞得掂，女人都鍾意男人獻殷勤的>>>

5?搵日同你去……

女人點解憎: 搵日，通常不會兌現又信口開河了！你估我係你D客，「搵日出黎飲茶」咩！

建議女人記性很好，此等不兌現的小事是她日後炒大鑊的導火線, 女人無要求的話，男人切忌自動OFFER，無謂製造機會比人CHALLENGE

6?得架啦！得架啦！(同類說話：掂架啦！掂架啦)

女人點解憎: 認屎認屁叻，結果錯漏百出無樣得！你覺得佢係怕你煩，想塞住你把口，所以吹到天咁大，但其實得鬼！

建議無希望就無期望，無期望就無失望，實話實說吧！女人要講野，一定要比佢講；而比佢講，佢先唔講。

7?明啦明啦 (同類說話：係啦係啦、得啦得啦)

女人點解憎: 明個屁，想我收聲至真！真係明？咁我岩岩講到邊度先？

建議她在跟你說一些她認為很重要的事，即使你覺得無聊，也請耐心聆聽，硬食吧！在她喋喋不休時緊握她的手，信我，好快收口。適當時候發問，讓她知道你在聽；無傷大雅的小事不妨附和，大事情則要糾正。

8?是但啦

女人點解憎: 無要求，無原則，無性格！你又嫌我煩了！你寧願SUFFER任人擺布，我諗我真係好討你厭，嗚……

建議大可拋個波比佢，溫柔地說：「你話呢？」她反而覺得你尊重她不在乎說什麼，而是在乎怎樣說；男人說話時語氣夠堅定就是說服力，女人自然收聲。

今天狀況

2006-09-29T16:15:00.000+08:00

好左D了
個肚無咁痛，只會間唔時陰D痛下
今日肚屙左一次，但無乜野屙 +_+
嘔左2次
朝早時頭痛到爆，直頭想闔頭埋牆!!!!
家下好好多了，起碼個頭無咁痛 .....
暫時都唔太想食野，但有飲水
體重回升至107磅了
今晚公司應該會比FLIGHT我飛架啦
我都要做好準備

放片....

2006-09-29T15:32:00.000+08:00

說中了

殘忍 (個MV係禁播了的...)

傷

他喜歡的是你

又再睇E生

2006-09-28T21:43:00.000+08:00

今日去打多支針，因為一起身，個肚仲係好痛，不過就無得再屙，因為我都無食過野... 今朝好勉強咁食左一碗粥，之後都係手軟腳軟咁，到下午就再去睇E生了...

E生又係2話不說就同我打支針先，佢話我D病菌仲係條腸度，所以我覺得咁痛... 只好再打針，尋日打針0個個位都未痛完，今日又整多支了... 比多一隻藥我，夾埋尋日D藥一齊食...

一路返屋企一路諗，應唔應該PORT左去，個身又發熱...同阿靚傾到返上水都未有定論.....之後就到阿丁打黎....佢就叫我唔好返，因為佢試過食物中毒，入左廠四日.... 我諗我唔會入廠卦..... 不過都多謝阿丁關心....佢都好耐無搵我....

收左好多SMS同電話，多謝大家既關心...我覺得自己無咁DRY，無咁痛了....雖然要SUFFER之後記STANDBY，但無奈我真係返唔到工...

好唔掂

2006-09-27T15:37:00.000+08:00

今日係街暈左2次，屙左6，7次，嘔左2次
我要抖抖...

後記:

終於都醒左，可以寫返自己發生乜野事了。
尋晚開開心心同阿靚行街，又同埋LULU食飯~
一齊都順順利利，點知到左12點度，我就開始肚痛...
初時我不以為已...，點知越夜越痛...
到左4點幾，我就起左身，又屙又嘔...
真係連DINNER都嘔埋出黎....
勁辛苦....0個一刻我只係希望快D天光，
咁我就可以睇E生! (無諗過入急症 +_+)

8點幾，起左身，那那聲就去睇E生。
點知上左MTR，我就開始聽唔到野，亦睇唔到野
最後就暈左係地下
不過只係暈左10秒度，我又爬返起身
堅持去到CLINIC....勁辛苦
因為一邊行我一邊都好暈，又想嘔喎

去到e生度，我等左成個鐘
一入到去，e生就比我既面色嚇親
0個時我塊面係青晒的!!
e生講左一陣，就同我打針了
我都想即刻打針，因為我係暈到爆，個肚又痛到爆....
打完針，姑娘就同我講，由0個一刻開始我唔可以飲野食野
直到訓醒為止...wow0個時我真係好乾好口渴!!!
仲要發緊燒 (101度)
真係人都癲.....
好艱苦咁行到去bus stop，我又開始聽唔到野，又睇唔到野
無錯，我又暈了...
之後就二話不說，跳上taxi返屋企了.....

返到屋企，就跳上床，已經講唔到野
因為我聽唔到又睇唔到....
我只係想訓係度....同埋想飲水....
一訓就訓左幾個鐘
d燒都未退....要繼續食藥...同埋怒訓....
0岩0岩check 我d燒退左，不過都驚仲有內燒....
因為我發冷....好辛苦.....我家下塊面真係白過搽左粉....
成個人都好dry呀....

貓媽話幫我check過通勝，我惹左d dirty野返黎喎
oh shxt....
我好耐未試過病到咁
完全的無助....
好似就死....
打針0個個位仲係好痛
但我已經無力搵野敷啦....是但啦....
聽日仲要飛paris
我要定住....

訓得好？

2006-09-26T12:06:00.000+08:00

我不嬲都訓得好少，越大就越訓越少，除非touchwood病左，就會訓超過10個鐘，否則都好難見到我訓到成隻豬咁! (但我身邊好多嗜睡既朋友!!!!!) 或者係習慣，日光日白我訓唔到，到左7，8點就一定會自然醒!之後下午就訓唔到!其實我覺得唔使訓得好都，最緊要係睡眠質素好，咁樣個人先會得到適當既休息!!!

~~~ 那個時間最好眠？~~~
最佳的睡眠時間應該是晚上10時至凌晨2時的4小時，因為這段時間腦部會放出一種可褪去黑色素的荷爾蒙，而且這段時間新陳代謝最快，想肌膚靚就記緊在這段時間入眠喇！

~~~ 睡眠與健康 ~~~
不少人都認為要有八小時的睡眠，才不會影響身體健康。故此，他們都會盡量早點上床就寢，希望可以爭取到所謂「足夠」的睡眠。其實，這樣不但不會延長「真正」睡眠時間，反而會影響到睡眠質素如延長床時間但又不能入睡）。睡眠時間的長短，因人而異。只要在睡醒起床後覺得疲倦已消或精神充沛，便代表晚上的睡眠時間已經足夠，無須硬性要求自己要有八小時的睡眠。故此宜到了有睡意時才上床睡覺。

優質睡眠包括以下條件：

1, 無中斷的睡眠
2, 合適的睡眠時間及長短
3, 適當的睡眠週期
4, 減少睡眠期間內在及外在的騷擾

你地多唔多訓訓下醒？其實我係屋企會多好多札醒既時候，因為阿寶成日係我肚上面跳黎跳去....所以半夜點都會醒1，2次，但我都算訓得唔何!雖然晚晚都會發夢~~仲多數都係發惡夢~~~我訓時一定要攬住個攬枕~咁樣會訓得好有安全感架!!!XD

訓覺訓得好，不單止第二日精神，連心情都會好D架!!!一唔夠訓個人就會好燥底!!!!.\/.

愛上數碼子!

2006-09-24T19:02:00.000+08:00

無記都播左一段時間既 "滴骰孖妹" (DI GI CHARAT) ~超好笑既COMIC!!!我呢排上網DOWNLOAD左好多集黎睇呀!!!!數碼子 (綠色髮)超攪笑，成日用電眼炸晒人地D野!!!睇到我好RELAX~~ (我係有DD變態的....) 今日無野做又係屋企睇左好多集呀!!笑左好耐!!!無錯!我要笑多D!!我時時記住要開心D RELAX D!!!

http://www.broccoli.co.jp/dejiko/

宜家同緊個日本FD傾緊數碼子!!HOHOHO!

一齊食天然零食啦!!!

2006-09-24T12:23:00.000+08:00

尋日同貓媽去wellcome上貨!行過"點點綠"既corner，見到好多天然既零食，諗起自己每況愈下既身體...食多d天然既野一定有好處啦!所以就買左有機提子乾同埋龍眼肉!

有機提子乾 - 抗氧化 (養顏)
含豐富維生素 A, B1, B2, C, 鈣質及鐵質
含天然果酸及多種氨基酸
有助消除疲勞, 預防雀斑

龍眼肉
又名桂圓肉、福肉或益智，能滋補養血、益智益脾﹔且有抗菌的效用，有一定的日常保健作用！
含豐富維生素及礦物質
能滋補脾胃、養心安神
對於思慮過渡、心神不安、健忘有一定幫助

返到屋企，急不及待即係開黎食!!!好好味呀!!!唔太甜，又好咬口!我好耐都無食過零食了....因為要食藥，好多野都要戒口... 只可以食多d清淡既野.... 但我好多時都有口痕架... 買左呢d天然既野食，食多d都唔怕啦!!有得食好味既野，心情都好d! e生話我一定要令自己開心d先得架!!! ^^

點點綠: http://www.greendotdot.com

撐下去...

2006-09-22T17:19:00.000+08:00

痛到咁樣係第一次，仲要嘔都係第一次...
打左針，食左藥，已經好好多...
但個病樣真係可以話嚇得死人....
真係有阿寶塊面咁鬼白了...
除左好好休息，都無乜野好做...
我一定要身體健康先可以行到去目標...
絕對唔可以輕易放棄...唔可以被打擊我既聲音影響...
面面同身體都一定要好好復原...
我對自己有信心...
一定可以!!

不經不覺既第500篇entry

2006-09-21T12:53:00.000+08:00

不經不覺係blogger寫左500篇既entry，d文筆可以話越黎越爛 XD 不過我唔係作家，無乜需要寫得太華麗，又唔係駢文!最緊要你地明就得啦!同埋我想好似同你地傾計咁既形式黎寫BLOG!

幾時開始寫網上日記，可以追溯到大學YEAR 1既時候了，0個時都係每日寫，之後0個個SERVER死左，就停左一排，之後又轉左另一個SERVER，但發覺整唔到自己想整既版面 (為左整，而學左HTML，算係額外既收穫!) 又再放棄，到左前年係MAGICIAN做野時，發現多人用BLOGGER，就試下用啦!咁就用到宜家!不過家下無刻意整到個BLOG好靚咁，因為BLOGGER既LIMITS太多，想整都整唔到~

唔知會一直咁寫，寫到幾時呢~有時出街諗到D得意野，見到D特別野，我都好想快D返黎寫比大家知，我好鐘意幫個BLOG UPDATE，我亦都希望你地會期待我有新ENTRY呀!!雖然有時我係寫無聊野~~~但我都有HEART寫架~~~^O^

今日先同阿靚講無聊野，話無錢SING K，我地就對住個MON一齊唱，但又怕大家有時差... 做PART TIME SINGER真係唔容易的! 我都盡量令自己輕鬆D，尋日飛時，我同我個日本PARTNER扮左成程機...我地係度扮KOREAN點講野，笑到阿姐死死下... 我地都扮得超似... XD RELAX.... 阿叻老遠係LAX都係咁同我傾計，個人係鬆左D，或者因為有左目標，有左力量，今日既我積極左....為自己做好計劃，向前衝! 就咁決定，向前衝!

型仔細，生日快樂!!!

2006-09-19T09:42:00.000+08:00

今日係型仔細既生日~~請大家拍掌~~yeah~~祝佢生日快樂~身體健康~心想事成呀~~~識佢既朋友仔不妨send 個sms比佢祝福下羅!!!記住send去9字頭0個個電話呀~~~ ^o^

需要支持....需要運氣...

2006-09-18T23:46:00.000+08:00

今日出SHATIN CANCEL左PHYSICAL個MEMBERSHIP，約埋阿叻去左飲杯野，傾左好耐，完全係知音人!我諗阿叻真係知我諗緊乜，因為佢都係SUFFER緊一樣既野.... 仲要惡病纏身... (今日見到阿叻拐下拐下咁行...我都有心痛.... 當大家見到我個病樣同埋怪手時，都會心痛嗎？) 我唔知阿叻會唔會有我一樣既打算，但我都祝福佢盡快搵到自己想走既路!!

尋日同阿靚講電話，今朝亦都msn過，佢係第一個同我講 "resign左去啦!" 聽完之後，我竟然有一份安全感，好似被人認同我咁.... 我確實係需要一d支持同肯定... (當然都需要運氣!) 或者因為阿靚都面對過相同既處境，而佢亦都同我有一樣既目標.... 0個份感覺比較身同感受吧... 多謝你，阿靚!你0個一句說話，令我成個醒晒....非常感激!

之後又同yingying msn，咁0岩yingying又係搵緊工，我即刻sent左d agents比佢!yingying一直都有睇我blog，知我病知我受傷.... 非常關心我.... ^3^，大家係msn交流搵工既野，互相勉勵一返!祝願大家都快手搵到工，有安樂茶飯食下!! 最重要係我希望join到個camp，見到大家....

阿嬲今日都有趁空檔打過比我，之後我要趕住買野，所以未能夠覆返電話，sorry~未能夠將所有野完整話比嬲知，或者我會打隻e貓話嬲知啦! 我會錫住自己，你生日時我一定會健健康康出席!因為我係你生日會既攪手麻!

給我一點支持和運氣吧....

~*~*~小慧貓竇~*~*~